الماتى وبلىسىندا بالا كۇتۋشى ايەل ءسابيدىڭ ولىمىنە ايىپتالىپ جاتىر

قونايەۆ. قازاقپارات - الماتى وبلىسىندا بالا كۇتۋشىسىنىڭ قاراۋىنا قالدىرىلعان ەكى جاسار ءسابي قايتىس بولدى، دەپ حابارلايدى قازاقپارات ءتىلشىسى.

الماتى وبلىسى پروكۋراتۋراسىنىڭ مالىمەتىنشە، 25- ناۋرىزدا تالعار اۋداندىق پوليتسيا باسقارماسىنىڭ كەزەكشى بولىمىنە ايەل جۇگىنىپ، 30 جاستاعى بالا كۇتۋشىگە شارا قولدانۋدى سۇراعان. ايتۋىنشا، بالا كۇتۋشىنىڭ ۇيىندە 2 جاسار ءسابيى كوز جۇمعان.

«ش. ەسىمدى ازاماتشا 5-6 ايدان بەرى اتا-اناسىنان اقى الىپ، كىشكەنتاي بالاعا كۇتۋشى رەتىندە قاراپ جۇرگەن.

سول كۇنى- اق بۇل فاكتى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 141-بابى، 2-بولىگىندە (بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماۋ) قاراستىرىلعان قىلمىستىق قۇقىقبۇزۋشىلىق بەلگىسى بويىنشا تىركەلدى.

26- ناۋرىزدا قىلمىستىق قۇقىق بۇزۋشىلىقتى 141-باپتىڭ 2-بولىگىنەن ق ر ق ك- ءنىڭ 99-بابى، 3-بولىگىنە (ادام ءولتىرۋ) اۋىستىرۋ تۋرالى شەشىم قابىلداندى»، - دەپ حابارلادى الماتى وبلىستىق پروكۋراتۋراسىنىڭ باسپا ءسوز حاتشىسى ماقسات ءابىروۆ.

6- ساۋىردە تالعار اۋدانى پ ب تەرگەۋشىسى اۋدان پروكۋراتۋراسىنا ەكى اي مەرزىمگە «قاماۋدا ۇستاۋ تۇرىندەگى» بۇلتارتپاۋ شاراسىن بەكىتۋ تۋرالى ءوتىنىش جولدادى. تالعار اۋدانىنىڭ پروكۋراتۋراسى ءوتىنىشتى قولداپ، قاراۋ ءۇشىن تەرگەۋ سوتىنا جىبەردى.

قازىرگى ۋاقىتتا سوتقا دەيىنگى تەرگەۋ جالعاسىپ جاتىر، ءبىرقاتار ساراپتاما تاعايىندالدى. ق ر ق پ ك 201-بابىنا سايكەس، باسقا اقپارات جاريا ەتۋگە جاتپايدى.