دۇنيەجۇزىلىك كەدەن ۇيىمى قازاقستاننىڭ حالىقارالىق تاۋار تاسىمالى تىزبەگىندەگى ۇلەسىن جوعارى باعالايدى

استانا. قازاقپارات - دۇنيەجۇزىلىك كەدەن ۇيىمىنىڭ ءتوراعاسى قازاقستاننىڭ تاۋارلاردى جەتكىزۋدىڭ حالىقارالىق تىزبەگىندەگى ۇلەسىن جوعارى باعالادى، دەپ حابارايدى قازاقپارات مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.

مەملەكەتتىك كىرىستەر كوميتەتى ءتوراعاسىنىڭ ورىنباسارى باقىتجان سلياموۆ قازاقستاننىڭ بەلگيا كورولدىگىندەگى ەلشىلىگىنىڭ قولداۋىمەن دۇنيەجۇزىلىك كەدەن ۇيىمىنىڭ ءتوراعاسى كۋنيو ميكۋريومەن كەزدەسۋ وتكىزدى.

كەزدەسۋ بارىسىندا كەدەندىك اكىمشىلەندىرۋدىڭ وزىق تاجىريبەلەرى، سونداي-اق قازاقستاننىڭ كەدەن سالاسىنداعى جەتىستىكتەرى تالقىلاندى.

سونىمەن قاتار، بەلگيا كورولدىگىنىڭ كەدەندىك اكىمشىلەندىرۋ تاجىريبەسى زەرتتەلدى، تەڭىز پورتتارىن باسقارۋ بويىنشا تاجىريبە الماسۋعا مۇمكىندىك تۋدى.

كۋنيو ميكۋريا قازاقستاننىڭ تاۋارلاردى جەتكىزۋدىڭ حالىقارالىق تىزبەگىندەگى، سونداي-اق قازاقستان جۇرگىزىپ جاتقان كەدەن بەكەتتەرىن جاڭعىرتۋ مەن كەدەندىك اكىمشىلەندىرۋدەگى ۇلەسىن جوعارى باعالادى.