بيزنەسكە قولايلى وڭىرلەر رەيتينگىن ۇسىنۋ مەرزىمى وزگەرەدى - پرەزيدەنت جارلىعى
بۇل تۋرالى ق ر جوعارى اۋديتورلىق پالاتاسى ازىرلەگەن پرەزيدەنت جارلىعىنىڭ جوباسىندا جازىلعان، دەپ حابارلايدى قازاقپارات ءتىلشىسى.
«ۇيىمداستىرۋشى جىل سايىن 20- ماۋسىمنان كەشىكتىرمەي قازاقستان رەسپۋبليكاسى پرەزيدەنتىنىڭ اكىمشىلىگىنە رەيتينگىنىڭ ناتيجەلەرى بويىنشا ماتەريالداردى ۇسىنادى»، - دەلىنگەن جاڭا رەداكسيادا.
ايتا كەتەيىك، قولدانىستاعى زاڭناما تالابى بويىنشا رەيتينگ قورتىندىسى 30- قازاننان كەشىركتىلمەي پرەزيدەنت اكىمشىلىگىنە جولدانادى. ەندى بۇل مەرزىم 20- ماۋسىمعا اۋىستىرىلادى.
«ق ر پرەزيدەنتىنىڭ 2023-جىلعى 20- ناۋرىزداعى تاپسىرماسىن ورىنداۋ شەڭبەرىندە بيزنەستى جۇرگىزۋدىڭ جەڭىلدىگى بويىنشا وڭىرلەردىڭ رەيتينگىن وتكىزۋ مەرزىمىن وڭتايلاندىرۋ ۇسىنىلادى. بۇل وزگەرىس وڭىرلەردەگى كاسىپكەرلىك ورتانىڭ وزگەرۋىنە جەدەل دەن قويۋعا مۇمكىندىك بەرەدى. ويتكەنى، ستاتيستيكالىق جانە الەۋمەتتانۋشىلىق ولشەمدەردىڭ ناتيجەلەرىن سينحرونداۋ قامتاماسىز ەتىلەتىن بولادى. جارلىق جوباسىن قابىلداۋ رەسپۋبليكالىق بيۋجەتتەن قارجى شىعىنىن تالاپ ەتپەيدى جانە تەرىس الەۋمەتتىك-ەكونوميكالىق نەمەسە قۇقىقتىق سالدارعا اكەپ سوقتىرمايدى»، - دەپ جارلىق جوباسىنا تۇسىندىرمە بەرگەن ق ر جوعارى اۋديتورلىق پالاتاسى.
قۇجات 20- ساۋىرگە دەيىن كوپشىلىك تالقىلاۋدا بولادى.
