يران قازاقستانمەن ەكونوميكالىق بايلانىسىن نىعايتۋعا نيەتتى

استانا. قازاقپارات - يران يسلام رەسپۋبليكاسىنىڭ ەلشىسى ءالي اكبار قازاقستان مەن يران اراسىنداعى ەكونوميكالىق بايلانىستى نىعايتۋعا كۇش سالماق، دەپ حابارلايدى قازاقپارات ءتىلشىسى.

«قازاقستان پرەزيدەنتىنە سەنىم گراموتاسىن تاپسىرۋ مەن ءۇشىن زور مارتەبە. قازاقستان مەن يران 30 جىل ىشىندە وتە جاقسى قارىم-قاتىناس ورناتتى. ال جەتكەن جەتىستىكتى ساقتاپ قالۋ جانە كوپتەگەن سالاداعى، ونىڭ ىشىندە ەكونوميكاداعى ەكىجاقتى جەتىستىگىمىزدى نىعايتۋ - ءبىزدىڭ جاۋاپكەرشىلىگىمىز. ەكى ەلدىڭ ەكونوميكا سالاسىندا الەۋەتى دە، مۇمكىنشىلىگى دە بار. ءوز مۇمكىندىگىمدى پايدالانىپ، ەكونوميكالىق بايلانىستى نىعايتۋعا كۇش سالامىن»، - دەدى ءالي اكبار دجوۋكار بۇگىن اقوردادا مەملەكەت باسشىسى قاسىم-جومارت توقايەۆقا سەنىم گراموتاسىن تاپسىرعاننان كەيىن.

ەستەرىڭىزگە سالا كەتسەك، قازاقستان پرەزيدەنتىنە سەنىم گراموتالارىن مالايزيا ەلشىسى موحاماد ادلي بين ابدۋللا، ساۋد ارابياسى كورولدىگىنىڭ ەلشىسى فايسال بەن حانيف ءال-كاحتاني، تۇركيا رەسپۋبليكاسىنىڭ ەلشىسى مۋستافا كاپۋدجۋ جانە يران يسلام رەسپۋبليكاسىنىڭ ەلشىسى ءالي اكبار دجوۋكار تاپسىرعان ەدى.

سەنىم گراموتاسىن تاپسىرعاننان كەيىن مالايزيا ەلشىسى موحاماد ادلي بين ابدۋللا قازاقستان مالايزيانىڭ ورتالىق ازياداعى ەڭ ءىرى ساۋدا سەرىكتەسى سانالاتىنىن اتاپ ءوتتى.

ال تۇركيا رەسپۋبليكاسىنىڭ ەلشىسى مۋستافا كاپۋدجۋدىڭ ايتۋىنشا، قازاقستان - تۇركيا قارىم-قاتىناسى ستراتەگيالىق سەرىكتەستىك دەڭگەيىنە كوتەرىلدى.