قازاقستاندا مەديتسينا قىزمەتكەرلەرىنىڭ جالاقىسى وسەدى

استانا. قازاقپارات - وتاندىق مەديتسينا قىزمەتكەرلەرىنىڭ جالاقىسى ءوسۋى مۇمكىن.

بۇل تۋرالى دەنساۋلىق ساقتاۋ مينيسترلىگى ازىرلەگەن ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.

قۇجاتتا كورسەتىلگەندەي، ەندى مەديتسينا جانە فارماتسيەۆتيكا قىزمەتكەرلەرىنىڭ لاۋازىمدى ايلىق مولشەرى مىنا تۇزەتۋ كوەففيتسيەنتىن قولدانا وتىرىپ ايقىندالادى:

- بىلىكتىلىگى جوعارى دەڭگەيدەگى ماماندارعا (ا بلوگىنىڭ باسقارۋشى پەرسونالى، В1, В2 بلوگىنىڭ نەگىزگى پەرسونالى): 2023-جىلدىڭ 1- قاڭتارىنان باستاپ 3,42 مولشەرىندە؛

- بىلىكتىلىگى جوعارى جانە ورتا دەڭگەيدەگى ماماندارعا (В3, В4 بلوگىنىڭ نەگىزگى پەرسونالى): 2023-جىلدىڭ 1- قاڭتارىنان باستاپ 2,34 مولشەرىندە تۇزەتۋ كوەففيتسيەنتىن قولدانا وتىرىپ ايقىندالادى.

«جوبا مەملەكەت باسشىسىنىڭ 2020 جىلعى 1- قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ «2023-جىلعا قاراي مەديتسينا قىزمەتكەرلەرىنىڭ جالاقىسى ەكونوميكاداعى ورتاشا جالاقىدان 2 ەسە جوعارى بولادى» دەلىنگەن 83-تارماعىن ورىنداۋ ماقساتىندا ازىرلەندى»، - دەپ تۇسىندىرمە بەرىلگەن اشىق ن ق ا پورتالىندا جاريالانعان ۇكىمەت قاۋلىسىندا.

قۇجات 19- ساۋىرگە دەيىن كوپشىلىك تالقىسىندا بولادى.