ماقسات تولىقبايەۆ «قازاقستان حالقىنا» قورى قامقورشىلىق كەڭەسىنىڭ مۇشەسى بولدى

استانا. قازاقپارات - «قازاقستان حالقىنا» قوعامدىق قورى قامقورشىلىق كەڭەسىنىڭ كەزەكتى وتىرىسىندا ءبىرقاتار شەشىمدەر قابىلداندى، دەپ حابارلايدى قازاقپارات.

اتاپ ايتقاندا، جيىندا «تىرەك- قيمىل اپپاراتى بۇزىلعان بالالاردى روبوتتاندىرىلعان قۇرالدارمەن (ەكزوسكەلەتپەن) قامتاماسىز ەتۋ» قايىرىمدىلىق باعدارلاماسىن ىسكە اسىرۋ مەرزىمى 2023 -جىلعا ۇزارتىلعان.

سونداي- اق قور مالىمەتىنشە، وسى جىلدىڭ 1-توقسانىنداعى ىشكى اۋديتوردىڭ 2 اۋديتورلىق ءىس- شاراسى - قوردىڭ دونورلارى مەن ستراتەگيالىق ارىپتەستەرىنەن تۇسەتىن قاراجات اۋديتى جانە قوردىڭ 2022-2023 -جىلدارداعى باعدارلامالارى مەن جوبالارىنىڭ ىسكە اسىرىلۋ اۋديتى بويىنشا ەسەبى قارالىپ، نازارعا الىندى.

بارلىعى 2023 -جىلعا ارنالعان اۋديت جوسپارى جىل ىشىندە وتكىزىلەتىن 5 اۋديتورلىق ءىس- شارانى قامتيدى.

وسى جوسپاردىڭ ورىندالۋىنىڭ مونيتورينگ ناتيجەسىن ىشكى اۋديتور جىلدىق ەسەپتە ۇسىنادى.

سونىمەن قاتار، وتىرىستا قامقورشىلىق كەڭەستىڭ مۇشەلىگىنە ءماجىلىس دەپۋتاتى، ق ر پرەزيدەنتى جانىنداعى ۇلتتىق قۇرىلتاي مۇشەسى، قوعامدىق- ساياسي، الەۋمەتتىك ماسەلەلەردى كوتەرىپ جۇرگەن بەلگىلى تەلەجۇرگىزۋشى جانە جۋرناليست ماقسات تولىقبايەۆ سايلاندى.

ماقسات تولىقبايەۆ «حالىق سۇيىكتىسى - 2020»، «ادال تۇلعا - 2021»، سونداي- اق «ۇزدىك تەلەجۇرگىزۋشى-2016، 2019» بايقاۋلارىنىڭ جەڭىمپازى.

2022 -جىلدىڭ قىركۇيەگىنەن باستاپ «حابار» تەلەارناسىندا «ءبىزدىڭ ماقسات» قوعامدىق- ساياسي توك- شوۋىنىڭ جۇرگىزۋشىسى.