ا ق ش پەن ەۋروپاداعى بانك داعدارىسى ءبىزدىڭ ۇلتتىق قور مەن ب ج ز ق اكتيۆتەرىن كەمىتكەن
اۆتوردىڭ ايتۋىنشا، قازاقستاننىڭ بۇل تۇرعىداعى شىعىنى شۆەتسيا، نورۆەگيا، ساۋد ارابياسى مەن قاتار مەملەكەتتەرىنىڭ دەربەس جانە زەينەتاقى قورلارىنا كەلگەن شىعىنمەن سالىستىرعاندا الدەقايدا ەلەۋسىز.
ۇلتتىق بانكتىڭ Inbusiness.kz ساۋالىنا جولداعان جاۋابىنا سۇيەنسەك، ناۋرىز ايىندا بانكروتقا ۇشىراعان امەريكالىق Silicon Valley Bank (SVB) پەن Signature Bank- ءتىڭ قۇندى قاعازدارى قازاقستاننىڭ ۇلتتىق قورى مەن ب ج ز ق اكتۆيتەرىن سىرتتان باسقاراتىن كومپانيالاردىڭ پورتفەلدەرىندە دە بولعان.
«اتالعان بانك اكسيالارى ۇلتتىق قور مەن ب ج ز ق- نىڭ ۆاليۋتا پورتفەلدەرىنە يندەكستىك باسقارۋ اياسىندا ساتىپ الىنعان بولاتىن. باسقارۋدىڭ مۇنداي ءتۇرى ەتالوندى يندەكسكە جاتاتىن قۇندى قاعازداردى ساتىپ الۋعا نەگىزدەلگەن. بۇل جولى دامىعان ەلدەردەگى كومپانيالاردىڭ اكسيالارىن بىرىكتىرەتىن MSCI World يندەكسى جايىندا ءسوز بولىپ وتىر. MSCI World يندەكسىندەگى SVB مەن Signature Bank-ءتىڭ اكسيالار ۇلەسى 2023 -جىلدىڭ 13- ناۋرىزىندا % 0,012 جانە % 0,009 بولعان. بۇل اكسيالاردىڭ ۇلتتىق قورداعى ۇلەسى اتالعان كۇنى ەتالوندىق يندەكستەگى ۇلەستەن تومەن بولدى - % 0,0016 (SVB) جانە % 0,0009 SVB مەن Signature Bank-ءتىڭ بانكروتتىعىنان تابىستىلىققا كەلەتىن جاعىمسىز اسەر ۇلتتىق قوردىڭ سىرتتان باسقارۋشى پورتفەلدەرىندەگى ۆاليۋتا اكتيۆتەرىنىڭ % 0,008- ىنا تەڭ بولدى. وسىلايشا ۇلتتىق قوردى ينۆەستيتسيالىق باسقارۋدان تۇسەتىن تابىسقا بۇل ايتارلىقتاي اسەر ەتكەن جوق»، - دەلىنگەن ۇلتتىق بانك جاۋابىندا.
ب ج ز ق اكتيۆتەرىنىڭ جاعدايى دا وسىعان ۇقساس.
SVB مەن Signature Bank-ءتىڭ بانكروتتىعىنان تابىستىلىققا تيگىزەتىن جاعىمسىز اسەر ب ج ز ق اۆتيكتەرىنىڭ % 0,002- ىنا تەڭ بولعان.
ۇلتتىق بانك ساراپشىلارىنىڭ پايىمىنشا، بۇل دا ب ج ز ق اكۆتيتەرىن ينۆەستيتسيالىق باسقارۋدىڭ تابىستىلىعىنا سونشالىق اسەر ەتپەگەن.
شۆەيتساريالىق Credit Suisse قۇندى قاعازىنداعى ۇلتتىق قور مەن ب ج ز ق ۆاليۋتا پورتفەلدەرى تۋرالى دا وسىنى ايتۋعا بولادى.
الدىن الا مالىمەت بويىنشا، ۇلتتىق قوردىڭ اكتيۆتەرى ناۋرىزدىڭ سوڭىندا 58,4 ميلليارد دوللار بولسا، ب ج ز ق اكتيۆتەرى 15,4 تريلليون تەڭگە بولعان.
اۆتور
ەسىمجان ناقتىباي
