ماڭعىستاۋ وبلىسىنداعى اۋىلدى قۇم باسۋ قاۋپى بار
تىعىرىقتان شىعۋدىڭ جولى - اۋىل اينالاسىنا سەكسەۋىل ەگۋ. بۇل باعىتتا جۇمىستار بىلتىر اياقتالعان. ال جاۋاپتىلاردىڭ سوزىنشە، بيىل قايتا جالعاسۋى ءتيىس. بيۋدجەتتەن قارجى سۇراپ، جوبالىق- سمەتالىق قۇجاتىن جولداپ قويعان. كوشپەلى قۇم سەنەك حالقىنىڭ باسىن اۋىرتقان جالعىز ماسەلە. ەلدى مەكەن توك، سۋ، جول، كوگىلدىر وتىنمەن تولىق قامتىلعان. تەك سۋسىما قۇمدى ءبىرجولاتا توقتاتۋدىڭ ءساتى تۇسپەي كەلەدى.
«بۇرىن ەگىلگەن سەكسەۋىل كوشەتتەرى ۇستاپ قالماعاندا، جەر ۇيلەردى الدەقاشان كومىپ تاستايتىن ەدى» - دەيدى تۇرعىندار.
ەسەن قوشاقانوۆ، اۋىل تۇرعىنى:
- 2003 -جىلى جوبالاۋ جۇمىسى ءجۇردى. گەوگرافيا ينستيتۋتى باستادى. 2004-تەن باستاپ قورشاپ، ەگۋ جۇمىستارىن باستادى. ءالى دە جالعاستىرۋ كەرەك. وسىمدىكتى تۇراقتاندىرۋ قيىنداۋ. ەگىلىپ، شىققانمەن دە جەل بولعاندا كومىلىپ قالادى.
2004 -جىلدان بەرى 1200-دەن استام گەكتار جەرگە سەكسەۋىل كوشەتى ەگىلىپ، اينالاسى قورشالعان. ۋاقىت وتە كەلە تەمىر قورشاۋدىڭ كەي بولىگى سوگىلىپ قۇلاپ قالادى. كىرگەن مال جاسىل جەلەكتى جەپ، ءبۇلدىرىپ جاتىر. ونىڭ ۇستىنە سوڭعى جىلداردا بولعان قۋاڭشىلىقتان جاس وسكىندەر تولىق جەتىلىپ كەتە الماپتى.
«قازىر اۋماقتى 3 كۇزەتشى قاداعالايدى. ەندى ولاردىڭ سانى ارتادى»، - دەيدى اكىمدىك وكىلى.
ەربول دەنوۆ، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى:
- «جاسىل الەم» دەيتىن باعىنىشتى مەكەمەمىز بولعان. 2016 -جىلعا سول مەكەمە جۇمىس اتقارىپ كەلگەن، ياعني سەكسەۋىل ءوسىرۋ بويىنشا. قازىرگى تاڭدا بۇل سەكسەۋىل «بەينەۋ ورمان شارۋاشىلىعى» مەكەمەسىنە جاتادى. اتالعان جۇمىستار توقتامايدى. بيۋدجەتتىك وتىنىمدەردى ۇسىندى. الداعى ءماسليحات سەسسياسىندا قارالاتىن بولادى. ەگەر قولداعان جاعدايدا جۇمىستار جالعاسا بەرەدى.
بۇرىن مەردىگەر مەكەمە سەكسەۋىل ەگۋ ءارى كۇتىمىنە جاۋاپتى بولعان. ەندى بۇل جۇمىس مەملەكەتتىك كوممۋنالدىق كاسىپورىنعا جۇكتەلىپ وتىر. ونىڭ قىزمەتكەرلەرى بىلتىر بيۋدجەتتىڭ 33 ميلليون تەڭگەسىن يگەرگەن. وسى جىلى سۇرالعان قارجى كولەمى بۇدان دا كوپ. قاجەت تەحنيكامەن جابدىقتالىپ، شتات سانى كوبەيگەن سوڭ ماماندار ءۇشتاعان، شەبىر، تۇشىقۇدىق اۋىلدارىنا تونگەن كوشپەلى قۇمدى توقتاتۋمەن اينالىسپاق.
www.24.kz
