جەتىسۋ وبلىسىندا ماس جۇرگىزۋشىنىڭ كەسىرىنەن جولاۋشى مەرت بولدى

تالدىقورعان. قازاقپارات - جەتىسۋ وبلىسىندا كولىكتى ىشىمدىك ءىشىپ الىپ جۇرگىزگەن ادامنىڭ كەسىرىنەن جولاۋشى مەرت بولدى، - دەپ حابارلايدى قازاقپارات ءتىلشىسى.

4-ساۋىردە پانفيلوۆ اۋدانىندا Mitsubishi Galant اۆتوكولىگى كولىك اپاتىنا ۇشىرادى. جاپوندىق شەتەل كولىگىنىڭ 32 جاستاعى جۇرگىزۋشىسى پەنجىم- ىنتىماق اۆتوجولىندا رۋلدى باسقارا الماي، جول بويىنداعى بەتون قورشاۋلارىنا سوعىلعان.

اۋرۋحاناعا جەتكىزىلگەن كەزدە كولىكتەگى 37 جاستاعى جولاۋشى قايتىس بولدى. اۆتوكولىك جۇرگىزۋشىسى جەڭىل جاراقات الىپ، مەديتسينالىق تەكسەرۋدەن كەيىن امبۋلاتوريالىق ەمدەلۋگە جىبەرىلدى.

«انىقتالعانداي، جۇرگىزۋشى اۆتوكولىكتى ماس كۇيىندە باسقارعان. بۇل مەديتسينالىق كۋالاندىرۋمەن راستالادى. ءىس بويىنشا تەرگەۋ امالدارى ق ر ق ك 345-1-بابىنىڭ 3-بولىگىنە سايكەس (ابايسىزدا ادام ولىمىنە الىپ كەلگەن، الكوگولدىك ماساڭ كۇيدە ك ك باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى) جۇرگىزىلۋدە. اپاتقا كىنالى ادامدى قاماۋعا الۋ ماسەلەسى قاراستىرىلۋدا»، - دەدى پانفيلوۆ اۋداندىق پوليتسيا باستىعىنىڭ ورىنباسارى ەرنار قالتايەۆ.

جىل باسىنان بەرى وبلىستا ماس جۇرگىزۋشىلەردىڭ كەسىرىنەن 4 جول- كولىك وقيعاسى تىركەلدى. وندا 1 ادام قازا تاۋىپ، 4 ادام زارداپ شەكتى.

اۆتور

سامال قابىشيەۆا