تۇركىستاندىق جاستار «تيك- توك» ءۇشىن كوپىردەن سەكىرگەن

تۇركىستان. قازاقپارات - «تيك- توك» ءۇشىن كوپىردەن سەكىرگەن تۇركىستاندىق جاستار كوپشىلىكتەن كەشىرىم سۇرادى، دەپ حابارلايدى قازاقپارات ءتىلشىسى.

وقيعا سايرام اۋدانىندا بولعان. جاستاردىڭ ءبىرى ۆيدەوعا ءتۇسىرىپ تۇرسا، ەكىنشىسى كوپىردەن سەكىرگەن. كەيىن بۇل ارەكەتتەرىن الەۋمەتتىك جەلىگە جۇكتەگەن. ولاردىڭ ۆيدەوداعى سوزدەرى اقشا ءۇشىن جاسالعانداي اسەر قالدىرادى. ءتارتىپ ساقشىلارى وقيعانىڭ ءمان جايىن ءبىلىپ، جاستاردىڭ جەكە باسىن انىقتادى. ال، اڭگىمەلەسۋ بارىسىندا ءازىل ءۇشىن جانە ۆيدەونى «تيك- توك» جەلىسىنە ورنالاستىرۋ ماقساتىندا جاسالعان ارەكەت ەكەندىگىن ايتقان.

«سۋعا سەكىرگەن جىگىت جاراقاتتانباعان جانە ونىڭ دەنساۋلىعىنا ەشقانداي قاۋىپ كەلمەگەن. ءوز كەزەگىندە ءتارتىپ ساقشىلارى جاستارعا پروفيلاكتيكالىق تۇسىندىرمە جۇمىستارىن جۇرگىزدى» دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.

ال، جاستار، ءوز كىنالارىن مويىنداپ كوپشىلىكتەن كەشىرىم سۇرادى.

اۆتور

قايرات زاينيشيەۆ