ەۋروپالىق فۋتبول قاۋىمداستىقتارى وداعىنىڭ پرەزيدەنتى قايتا سايلاندى

استانا. قازاقپارات - الەكساندەر چەفەرين ەۋروپالىق فۋتبول قاۋىمداستىقتارى وداعىنىڭ (ۋ ە ف ا) پرەزيدەنتى قىزمەتىنە قايتا سايلاندى.

بۇل پورتۋگاليانىڭ ليسسابون قالاسىندا وتكەن ۋ ە ف ا) - نىڭ 47- كونگرەسىندە بەلگىلى بولدى، دەپ حابارلايدى قازاقپارات ءتىلشىسى.

ەۋروپالىق فۋتبول قاۋىمداستىقتارى وداعىنىڭ حابارلاۋىنشا، الەكساندەر چەفەرين اتالعان وداققا تاعى ءتورت جىل باسشىلىق جاسايدى. ول سايلاۋ بارىسىندا جالعىز ۇمىتكەر بولدى. اتالعان مامان وداققا 2016-جىلدان بەرى جەتەكشىلىك ەتىپ كەلەدى.

الەكساندەر چەفەرين 1967-جىلى يۋگوسلاۆيادا (قازىرگى سلوۆەنيا) دۇنيەگە كەلگەن. 2005-جىلدان بەرى فۋتبول سالاسىندا قىزمەت اتقارىپ كەلەدى. 2011-جىلى سلوۆەنيا فۋتبول وداعىنا باسشىلىق ەتسە، 2011-2016-جىلداردا ۋ ە ف ا زاڭگەرلىك كوميتەتى ءتوراعاسىنىڭ ورىنباسارى قىزمەتىن اتقاردى.