ديزەلدى ساتۋعا شەكتەۋ ەنگىزگەن جاعارماي قۇيۋ ستانتسيالارىنا شارا قابىلدانادى
بۇل تۋرالى باسەكەلەستىكتى قورعاۋ جانە دامىتۋ اگەنتتىگىنەن ءمالىم ەتتى، دەپ حابارلايدى قازاقپارات.
«ەل وڭىرلەرىندە جاعارماي قۇيۋ ستانتسيالارىندا جانار-جاعارمايدى (ج ج م) ساتۋدى شەكتەۋ فاكتىلەرىنىڭ جيىلەۋىنە بايلانىستى باسەكەلەستىكتى قورعاۋ جانە دامىتۋ اگەنتتىگى بۇل ارەكەتتەر مونوپولياعا قارسى زاڭنامانى بۇزۋ ەكەندىگىن ەسكە سالادى.
كاسىپكەرلىك كودەكس نارىققا قاتىسۋشىلاردىڭ كەلىسىلگەن ءىس-ارەكەتتەرىنە جانە باسىم كومپانيالاردىڭ تاۋاردى وتكىزۋدەن نەگىزسىز باس تارتۋ جونىندەگى ءىس-ارەكەتتەرىنە تىيىم سالادى.
مەملەكەتتىك ورگاندار كۇن سايىن جانار-جاعارماي قۇيۋ ستانتسيالارىندا جانە ساقتاۋ بازالارىندا مۇناي ونىمدەرىنىڭ ساتىلۋىنا مونيتورينگ جۇرگىزەدى.
باعانىڭ جوسپارلى وسۋىنە قاراماستان، كاسىپكەرلىك سۋبەكتىلەرى ج ج م بولعان كەزدە ولاردى بەلگىلەنگەن باعالار بويىنشا ۋاقىتىلى وتكىزۋگە مىندەتتى.
جانار-جاعارمايدىڭ قالدىق كولەمى ۇلعايعان جاعدايدا جانە جانار-جاعارمايدى ساتۋدى شەكتەگەن جوسىقسىز كاسىپكەرلەرگە شارا قابىلداناتىن بولادى»، - دەلىنگەن اگەنتتىك مالىمدەمەسىندە.
اتاپ وتىلگەندەي، مونوپولياعا قارسى زاڭنامانى بۇزعانى ءۇشىن اكىمشىلىك قۇقىق بۇزۋشىلىق تۋرالى كودەكس اياسىندا كومپانيا تابىسىنىڭ %5 دەيىن ايىپپۇل سالۋ كوزدەلگەن.
«قازىرگى ۋاقىتتا باسەكەلەستىكتى قورعاۋ جانە دامىتۋ اگەنتتىگىنىڭ اۋماقتىق ورگاندارى زاڭنامانى بۇزۋ بەلگىلەرىنىڭ بولۋى تۇرعىسىنان ج ج م وتكىزۋدى شەكتەۋ فاكتىلەرىن تەكسەرىپ جاتىر.
باسەكەلەستىكتى قورعاۋ جانە دامىتۋ اگەنتتىگى كاسىپكەرلەردى باسەكەلەستىك زاڭنامانىڭ تالاپتارىن مۇلتىكسىز ساقتاۋعا جانە ج ج م- دى تولىق كولەمدە ساتىپ وتىرۋعا شاقىرادى»، - دەدى ۆەدومستۆودان.
جاعارماي قۇيۋ ستانتسيالارى وتىندى ساتۋدان باس تارتقان جاعدايدا - باسەكەلەستىكتى قورعاۋ جانە دامىتۋ اگەنتتىگىنىڭ اۋماقتىق بولىمشەلەرىنە، ال بەلگىلەنگەن باعالار اسىرىلعان جاعدايدا - ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ اۋماقتىق بولىمشەلەرىنە حابارلاۋعا بولادى.
