سيريالىق بوسقىن گەرمانيادا قالا مەرى بولدى
سەگىز جىل بۇرىن سيريانىڭ اس-سۋۆايدا قالاسىنان كەتكەن ريان الشەبل وستەلسحايم مۋنيتسيپاليتەتىنەن تاۋەلسىز كانديدات رەتىندە سايلاۋعا ءتۇستى. جەكسەنبى كۇنى ول %55,41 داۋىس جيناپ، ماركو شتراۋس پەن ماتياس فەيدەن باسىم ءتۇستى. 29 جاستاعى الشەبل ءوزىنىڭ جەڭىسىن «سەنساتسيالىق» دەپ اتادى. «بۇگىن وستەلسحايم بۇكىل گەرمانيا ءۇشىن كوسموليتيزم مەن كوزقاراستىڭ كەڭدىگىمەن ۇلگى بولىپ وتىر»، - دەدى ول.
الشەبل جەڭىسىنەن كەيىن ءبىرىنشى بولىپ سيرياداعى اناسىنا قوڭىراۋ شالعان. بادەن-ۆيۋرتەمبەرگ مۋنيتسيپاليتەتىنىڭ قاۋىمداستىعىنىڭ مالىمدەۋىنشە، الشەبل - مەر قىزمەتىنە سايلاۋعا ءتۇسىپ، جەڭىسكە جەتكەن العاشقى سيريالىق. ول ءوزىنىڭ قىزمەتىنە ماۋسىمنان باستاپ كىرىسەدى. مەكتەپ مۇعالىمى مەن اۋىلشارۋاشىلىق ينجەنەرىنىڭ وتباسىندا دۇنيەگە كەلگەن الشەبل 20 جاسقا دەيىنگى ءومىرىن قاپەرسىز ءومىر دەپ سيپاتتاعان. 2015-جىلى سيريا ۇكىمەتىنە قارسى نارازىلىقتار باستالىپ، ونىڭ سوڭى سوعىسقا ۇلاسقاندا ءبارى وزگەرگەن. الشەبل كوپتەگەن سيريالىقتار سياقتى 21 جاسىندا تۇركيادان لەسبوس گرەك ارالى ارقىلى رەزەڭكە قايىقپەن ەۋروپاعا كەلگەن. الشەبل گەرمانياعا كەلگەن سوڭ وستەلسحايمعا جاقىن ماڭدا تۇرعان.
ونىڭ ايتۋىنشا، سول ۋاقىتتا ول ءبىر زاتتى تۇسىنگەن - تەز اياققا تۇرىپ، ءوز بولاشاعىنا ينۆەستيتسيا قۇيا باستاعان. سوڭعى جەتى جىلدا ول كورشى قالاداعى التەنگشتەت اكىمشىلىگىندە جۇمىس ىستەپ، مەملەكەتتىك قىزمەتتى سيفرلاندىرۋ سالاسىندا بىرنەشە رەفورما جۇرگىزگەن. «جاسىلدار» پارتياسىنىڭ مۇشەسى الشەبلدىڭ قازىر نەمىس ازاماتتىعى بار.
ول مەر بولىپ سايلانعاننان كەيىن وستەلسحايمعا كوشەدى.
