قازاقستاندا اۋە بيلەتتەرى ارزانداۋى مۇمكىن

استانا. قازاقپارات - قازاقستانداعى FlyArystan اۋە كومپانياسى 2024-جىلى جەكە ءبولىنىپ شىعادى، دەپ حابارلايدى قازاقپارات ءتىلشىسى.

«بەكىتىلگەن كەزەڭدىك جوسپارعا سايكەس، 2024-جىلى «ەير استانا» ا ق- دان جەكە زاڭدى تۇلعا رەتىندە Fly Arystan قۇرىلىمدىق بولىمشەسىنىڭ ءبولىنۋى ەسكەرىلىپ وتىر. بۇل قادام باسەكەلەستىك ورتانى دامىتۋعا، نارىق سۋبەكتىلەرى اراسىنداعى باسەكە ارقىلى اۋە بيلەتى قۇنىن تومەندەتۋگە وڭ اسەر ەتەدى»، - دەدى ا. ىدىرىسوۆ سەناتتا ەلىمىزدەگى اۋە كولىگى ماسەلەلەرىنە قاتىستى جيىن بارىسىندا.

FlyArystan - العاشقى قازاقستاندىق لوۋكوستەر اۋە كومپانياسى جانە Air Astana ۇلتتىق تاسىمالداۋشىسىنىڭ قۇرىلىمدىق بولىمشەسى.

بۇدان بۇرىن حابارلانعانداي، بيىل 10 عا جۋىق حالىقارالىق باعىت بويىنشا رەيستەر اشىلماق.

قازىرگى كەزدە اۋە كولىگى سالاسىندا 6 قازاقستاندىق تاسىمالداۋشى 56 ىشكى باعدار بويىنشا اپتاسىنا 706 رەيستى ورىنداپ كەلەدى.