قىتايدان تۇركياعا گۋمانيتارلىق جۇكتەر شاتتل-پويىزدارمەن جەتكىزىلەدى
العاشقى پويىزدا ەلۋ 40 فۋتتىق كونتەينەر بار. تاعى دا 150 كونتەينەر جونەلتىلەدى دەپ جوسپارلانۋدا. شاتتل-پويىزدار وپەراتورى «KTZ Express» ا ق بولىپ تابىلادى.
قازاقستان اۋماعى ارقىلى جۇك كاسپي تەڭىزىنە (اقتاۋ پورتى)، ودان ءارى ءازىربايجانعا، گرۋزيادان مەرسين قالاسىنا (تۇركيا) دەيىن جەتكىزىلەدى. قازاقستان اۋماعى بويىنشا پويىز رەكوردتىق قىسقا مەرزىمدە - 90 ساعاتتا ءجۇرىپ وتەدى. جەر سىلكىنىسىنەن زارداپ شەككەن ادامداردى ۋاقىتشا ورنالاستىرۋعا ارنالعان شاتىرلاردا تۇراتىن گۋمانيتارلىق كومەكتى جەتكىزۋدىڭ جەدەلدەتىلگەن مەرزىمدەرى شاتتل قىزمەتى ارقىلى مۇمكىن بولدى.
وسى سەرۆيستىڭ پايدا بولۋىمەن ق ح ر- دان گرۋزيا پورتتارىنا دەيىن جۇكتەردى جەتكىزۋ مەرزىمى ءۇش ەسەگە - 15 تاۋلىككە دەيىن، تۇركيا پورتتارىنا - 25 تاۋلىككە دەيىن قىسقاردى. سەرۆيستى ۇيىمداستىرۋ ءۇشىن ءبىرقاتار شارا قابىلدانىپ، التىنكول ستانتسياسىنان اپتاسىنا 3 رەت (ءدۇي، ءسار، جۇم) جونەلتىلەتىن ناقتى ۋاقىتى بار كەستە بەلگىلەندى.
قىزمەتتىڭ نەگىزگى ارتىقشىلىقتارى - جوعارى جىلدامدىق، ءتيىمدى جوسپارلاۋ، بەلگىلەنگەن تاريفتىك شارتتار. بارلىق شاتتل پويىزدارى جول بويىندا كىدىرىسسىز كەستەگە سايكەس جۇرەدى.
