سوت ساراپتامالارى ورتالىعىنىڭ قۇرىلىمى وزگەرۋى مۇمكىن
«ادىلەت مينيسترلىگى تەحنولوگيالىق پروگرەستى ەسكەرە وتىرىپ، ساراپتامالىق مىندەتتەر قيىنداعانىن، ولاردىڭ شەشىمى عىلىمي ادىستەردى قولدانۋدى، الىنعان ناتيجەلەردى تەرەڭ تالداۋدى، ستاندارتتى ەمەس زەرتتەۋلەردى جۇرگىزۋدى قاجەت ەتەتىنىن مالىمدەپ وتىر. وسىعان بايلانىستى سوت ساراپتامالارى ورتالىعىنىڭ شتات سانىن ۇلعايتۋ قاجەتتىلىگى تۋىندايدى. جوعارىدا كورسەتىلگەن مىندەتتى شەشۋ ءۇشىن مينيسترلىك بوساتىلعان اكىمشىلىك بىرلىكتەردى سوت ساراپشىلارى لاۋازىمىنا اۋىستىرا وتىرىپ، ورتالىقتىڭ جانە ونىڭ اۋماقتىق بولىمشەلەرىنىڭ قۇرىلىمىن وزگەرتۋ ماسەلەسىن پىسىقتاپ جاتىر»، - دەپ جازادى ۇكىمەت باسشىسى.
ءاليحان سمايىلوۆ سوت ساراپتاما قىزمەتى ماماندارىنىڭ جالاقىسىن كوتەرۋ ماسەلەسى رەسپۋبليكالىق بيۋجەت مۇمكىندىكتەرىنە بايلانىستى ەكەنىن جەتكىزگەن.
«بۇگىنگى تاڭدا ادىلەت مينيسترلىگىنىڭ سوت ساراپتامالارى ورتالىعىنداعى سوت ساراپشىلارىنىڭ شتات سانى - 1272. 2021-جىلعى 1- قاڭتاردان باستاپ سوت-مەديتسينا بولىمشەلەرى قىزمەتكەرلەرىنىڭ ەڭبەكاقىسىن وسىرۋگە رەسپۋبليكالىق بيۋجەتتەن 1 ميلليارد 953 ميلليون تەڭگە جانە 2022-جىلعى 1- شىلدەدەن باستاپ قوسىمشا 713 ميلليون تەڭگە مەديتسينالىق بەيىندەگى ەمەس سوت ساراپشىلارىنا ءبولىندى.
«حالىقتىڭ تابىسىن ارتتىرۋدىڭ 2025-جىلعا دەيىنگى باعدارلاماسى» كەشەندى جوسپارى اياسىندا، ونىڭ ىشىندە مەديتسينالىق جانە مەديتسينالىق بەيىندەگى ەمەس سوت ساراپشىلارىنىڭ، ورتا مەديتسينالىق پەرسونالدىڭ، اكىمشىلىك جانە قوسالقى پەرسونالدىڭ، سوت ساراپتاماسىنىڭ بىلىكتى جانە بىلىكتىلىگى جوق جۇمىس ورگاندارىنىڭ ورتاشا جالاقىسىن رەسپۋبليكالىق بيۋجەتتەن بولىنەتىن قاراجات ەسەبىنەن 2029-جىلعا دەيىن ۇلعايتۋ كوزدەلگەن»، - دەلىنگەن جاۋاپتا.
