قازاقستان مەن الەم قۇرامالارى كەزدەسۋىنە قاتىساتىن شاحماتشىلار انىقتالدى

استانا. قازاقپارات - استانا قالاسىندا ف ي د ە- ءنىڭ 2023-جىلعى الەم چەمپيوناتى اياسىندا وتەتىن ايەلدەر اراسىنداعى قازاقستان مەن الەم قۇرامالارى كەزدەسۋىنە قاتىساتىن ويىنشىلار ءتىزىمى بەلگىلى بولدى، دەپ حابارلايدى قازاقپارات ءتىلشىسى.
None

اتالعان كەزدەسۋگە الەم قۇراماسىن ايەلدەر اراسىنداعى رەيتينگتىڭ كوشباسشىسى، قىتايلىق حوۋ يفان باستاپ كەلەدى.

سونداي-اق، قۇراما ساپىندا گرۋزيالىق نانا دزاگنيدزە مەن ءۇندىستاندىق حاريكا دروناۆاللي، ازەربايجاندىق گيۋناي مامەدزادە، بولگاريالىق نۋرگيۋل ساليموۆا، ماجارستاندىق زسوكا گاال، وزبەكستاندىق افرۋزا حامداموۆا بار.

ال قازاقستان قۇراماسىندا جانسايا ابدۋمالىك، دينارا ءسادۋاقاسوۆا، ءبيبىسارا اساۋبايەۆا، مەرۋەرت كاماليدەنوۆا، ليا قۇرمانعاليەۆا، كسەنيا بالابايەۆا، الۋا نۇرمانوۆا، زارينا نۇرعاليەۆا سايىسقا تۇسەدى.

قازاقستان مەن الەم قۇرامالارى 17-18- ساۋىردە راپيد، 19- ساۋىردە بليتستەن شەبەرلىك بايقاسادى. ءاربىر قۇراما 8 ويىنشىدان تىركەيدى. ونىڭ ىشىندە 4 ءى 20، 18، 16 جانە 14 جاسقا دەيىنگى ساناتقا دەيىنگى شاحماتشى بولۋى كەرەك. ولار ءوز جاس ساناتى بويىنشا ءبىر-بىرىمەن وينايدى.

ەسكە سالساق، ءبيبىسارا اساۋبايەۆا ءۇندىستانداعى تۋرنيردىڭ 9-تۋرىنان كەيىن ءبىرىنشى ورىندا كەلەدى.

سوڭعى جاڭالىقتار