19:41, 04 - ءساۋىر 2023 | GMT +5
سوققىعا جىعىلعان زاڭگەرلەر تۇرلىحانوۆتىڭ ۇلىنان قانشا ميلليون تالاپ ەتەتىندەرىن ايتتى
استانا. قازاقپارات - الماتىلىق زاڭگەر وتباسى اننا دميتريەۆيچ جانە ولەگ چەرنوۆ ءماجىلىس دەپۋتاتى داۋلەت تۇرلىحانوۆتىڭ ۇلىنان 25 ميلليون تەڭگە ءوندىرىپ الماق، دەپ حابارلايدى Orda.kz.
«ەكەۋمىز دە - كاسىپقوي زاڭگەرمىز، سوندىقتان سوت وتىرىستارى ءبىز ءۇشىن ۇيرەنشىكتى. ول بىزگە WhatsApp ارقىلى حابارلاسىپ، كىناسىن شايۋ ءۇشىن بەلگىلى ءبىر سومادا اقشا ۇسىندى. ءبىز بۇل سۇراق بەرىلگەن ارىز بويىنشا قىلمىستىق پروتسەسس اياسىندا شەشىلەتىنىن ايتتىق»، - دەيدى دميتريەۆيچ.
ادۆوكاتتىڭ سوزىنشە، وسىنشا ۋاقىت وتكەننەن كەيىن كۇدىكتى نۇراسىل بولات تا العاش رەت مامىلەگە كەلۋگە تىرىسىپتى.
«ءبىز ازاماتتىق ءىس بويىنشا ودان مورالدىق جانە ماتەريالدىق شىعىندى ءوندىرۋدى جوسپارلاپ وتىرعانىمىزدى جازدىق. ولەگ ءۇشىن 10 ميلليون جانە 15 ميلليون تەڭگە مەن ءۇشىن تالاپ ەتەمىز. سونىمەن قوسا، مورالدىق جانە ماتەريالدىق شىعىندى وتەۋ تاراپتاردىڭ بىتىسكەنىن بىلدىرمەيتىنىن دە جەتكىزدىك. بۇل تەك سوتتا ايىبىن جەڭىلدەتەتىن جاعداي رەتىندە ەسەپكە الىنادى» - دەيدى ول.
