قازاقستاندا توسەلگەن تاسجولدىڭ ساپاسى نەگە سىن كوتەرمەيدى

استانا. قازاقپارات - جوعارى اۋديتورلىق پالاتا وكىلدەرى كولىك ينفراقۇرىلىمىن دامىتۋدىڭ بيۋجەتتىك ينۆەستيتسيالىق جوبالارىنا بولىنگەن قاراجاتتى يگەرۋدەگى جۇيەلى كەمشىلىكتەردى اتادى، دەپ حابارلايدى قازاقپارات ءتىلشىسى.

«نارىقتىڭ وتاندىق جول-قۇرىلىس ماتەريالدارىمەن جەتكىلىكسىز تولىقتىرىلۋى، بيتۋمنىڭ ساپاسىنىڭ ناشار بولۋى جانە جولداردى سالۋ مەن جوندەۋدىڭ وزىندىك قۇنىنا اسەر ەتەتىن جۇك ۆاگوندارىنىڭ جەتىسپەۋشىلىگى بار. مىسالى، 2021-جىلى ۇلتتىق ساپا ورتالىعى جول بيتۋمىنىڭ 1400 دەن استام سىناماسىن زەرتتەگەن. ونىڭ 300 ءى ساپاسى بويىنشا نورماتيۆتەردىڭ تالاپتارىنا سايكەس كەلمەيدى»، - دەلىنگەن پالاتانىڭ اقپاراتىندا.

اتاپ ايتقاندا، پاۆلودار مۇناي-حيميا زاۋىتىنىڭ 183 سىناماسى، Caspi Bitum-نىڭ 108 سىناما، «قازاق بيتۋمنىڭ» 7 سىناماسى بار.

«سالدارىنان اسفالت-بەتون جابىنى تەز بۇزىلادى، قىزمەت كورسەتۋدىڭ كەپىلدىك مەرزىمى قىسقارادى»، - دەپ جازىلعان قۇجاتتا.