قازاقستاندىقتار تەمەكى بۇيىمدارىنا قانشا اقشا جۇمسايدى
وڭىردە ءار ۇيگە شاققاندا تەمەكى ساتىپ الۋعا 20,5 مىڭ تەڭگە شىعىندالىپتى.
بيىلعى اقپاننىڭ قورىتىندىسى بويىنشا تەمەكىنىڭ باعاسى ءبىر جىلدا 19 پايىزعا ءوستى.
باعانىڭ قىمباتتاعانى، اسىرەسە ەلوردالىقتارعا قاتتى ءبىلىندى. مۇندا باعا بىردەن 24,3 پايىزعا كوتەرىلگەن. سونداي-اق باعا قاتتى قىمباتتاعان بەس ءوڭىردىڭ قاتارىندا شىعىس قازاقستان (22,4 پايىز)، اقمولا، (22,3 پايىز)، جامبىل (22,1 پايىز) جانە الماتى (21,3 پايىز) وبلىستارى بار.
باعا تەك پاۆلودار وبلىسىندا (12,5 پايىز) عانا ايتىرلىقتاي قىمباتتاماعان.
بيىلعى قاڭتار-اقپاندا ەلىمىزدە 2,3 ميلليارد دانا تەمەكى، پاپيروس جانە ءتۇرلى تەمەكى بۇيىمدارى شىعارىلعانىن ايتا كەتەيىك. بۇل بىلتىرعى ءدال وسىنداي كەزەڭمەن سالىستىرعاندا 3,9 پايىزعا از.
جالپى، ەلىمىزدە تەمەكى كوپ شەگەتىن وڭىرلەردىڭ قاتارىندا سقو- دان بولەك، پاۆلودار (20,3 مىڭ تەڭگە)، اقمولا (19,3 مىڭ تەڭگە) وبلىستارى دا بار. ال شىمكەنت قالاسى (2,3 مىڭ تەڭگە)، ماڭعىستاۋ (3,2 مىڭ تەڭگە) جانە تۇركىستان (4,5 مىڭ تەڭگە) وبلىستارىندا كەرىسىنشە تەمەكىگە اقشا از جۇمسالادى.
