قايتارىلعان جەرلەر اۋىل تۇرعىندارىنا مال جايۋعا بەرىلەدى – اۋىل شارۋاشىلىعى ءمينيسترى
«مەملەكەت باسشىسىنىڭ تاپسىرماسى بويىنشا ءبىزدىڭ مينيسترلىك پايدالانىلمايتىن اۋىل شارۋاشىلىعى جەرلەرىن كەرى قايتارۋ جۇمىسىن جالعاستىرادى. بيىل قوسىمشا 5 ميلليون گەكتار اۋىل شارۋاشىلىعى جەرىن قايتارۋ جوسپارلانىپ وتىر. قايتارىلعان جەرلەر ءبىرىنشى كەزەكتە اۋىل حالقىنىڭ مال جايۋ مۇقتاجىن وتەۋگە بولىنەدى»، - دەدى ەربول قاراشوكەيەۆ ۇكىمەت وتىرىسىندا بايانداما جاساي وتىرىپ.
سونداي-اق، ءمينيستردىڭ مىندەتىن اتقارۋشى اۋىل تۇرعىندارىنىڭ تابىسىن ارتتىرۋ شارالارىن باقىلايتىن ارنايى جوبالىق كەڭسە قۇرىلعانىن ايتتى.
«Amanat» پارتياسىنىڭ جانىنان «اۋىل اماناتى» ارنايى جوبالىق كەڭسەسى قۇرىلدى. ول مينيسترلىكپەن بىرلەسىپ، اۋىل حالقىنىڭ تابىسىن ارتتىرۋ باعدارلاماسىنىڭ ساپالى ىسكە اسىرىلۋىن باقىلاپ، قاداعالايدى»، - دەيدى ە. قاراشوكەيەۆ.
بۇعان دەيىن حابارلاعانىمىزداي، ەلىمىزدە جەم-شوپتى ارزان باعادا ساتاتىن كووپەراتيۆ قۇرىلماق.
