قاڭتاردا قازاقستان قاي ەلگە ەڭ كوپ ەكسپورت جونەلتتى

استانا. قازاقپارات - قاڭتاردا قازاقستاننىڭ ەۋرازيالىق ەكونوميكالىق وداقتان تىس ەلدەرگە جونەلتەتىن ەكسپورتى ازايىپ، الاتىن يمپورتى ارتتى.

ساۋدا جانە ينتەگراتسيا مينيسترلىگى ۇسىنعان قاڭتارداعى «ءۇشىنشى» ەلدەرمەن تاۋار اينالىمى تۋرالى مالىمەتتە وسىنداي مالىمەت كەلتىرىلگەن، دەپ حابارلايدى قازاقپارات ءتىلشىسى.

«قازاقستان مەن ءۇشىنشى ەلدەر (ەۋرازيالىق ەكونوميكالىق وداقتان تىس ەلدەر - رەد.) اراسىنداعى تاۋار اينالىمى 2023 -جىلعى قاڭتاردا 8,1 ميلليارد دوللار بولدى. بۇل 2022 -جىلعى ۇقساس كەزەڭمەن سالىستىرعاندا % 14,8 جوعارى (7,1 ميلليارد دوللار).

اتالعان كەزەڭدە قازاقستاننان ءۇشىنشى ەلدەرگە جاسالعان ەكسپورت كولەمى % 5,5 تومەندەپ، 5 ميلليارد 168,5 ميلليون دوللار بولدى»، - دەپ جازىلعا مينيسترلىك مالىمەتىندە.

قازاقستاننىڭ ەكسپورتىن قابىلداۋشى ەلدەردىڭ العاشقى بەستىگىندە يتاليا (1,3 ميلليارد دوللار)، قىتاي (796,3 ميلليون دوللار)، وڭتۇستىك كورەيا (559,3 ميلليون دوللار)، تۇركيا (337,5 ميلليون دوللار)، رۋمىنيا (263,9 ميلليون دوللار) تۇر.

العاشقى وندىقتان بۇلاردان بولەك وزبەكستان (258,4 ميلليون دوللار)، اۋعانستان (209,3 ميلليون دوللار)، سينگاپۋر (187,4 ميلليون دوللار)، گرەكيا (169,6 ميلليون دوللار)، نيدەرلاند (141,3 ميلليون دوللار) بار.

ايتا كەتەرلىك جايت، جىل باسىندا نيدەرلاند جانە گرەكيا ەلدەرىنە جونەلتىلەتىن ەكسپورت كولەمى بىلتىرعى قاڭتارعا قاراعاندا % 70- دان استام تومەندەگەن.

ال قازاقستانعا قاڭتار ايىندا «ءۇشىنشى» ەلدەردەن كەلگەن يمپورت كولەمى 2 ميلليارد 957,7 ميلليون دوللار توڭىرەگىندە بولعان. بىلتىرعى قاڭتارمەن سالىستىرعاندا ءوسىم -% 83,5. يمپورت جونەلتۋشى ەلدەردىڭ كوشىن 9947, ميلليون دوللارمەن قىتاي باستاپ تۇر. الدىڭعى بەستىكتى گەرمانيا (213,7 ميلليون دوللار)، ا ق ش (177,7 ميلليون دوللار)، وڭتۇستىك كورەيا (142 ميلليون دوللار) جانە تۇركيا (159,3 ميلليون دوللار) تۇيىندەپ تۇر.

مينيسترلىك مالىمەتىنە قاراعاندا، بيىل قازاقستان ەكسپورتاۋشىلارى ءۇشىن جاڭا نارىقتار پايدا بولعان. اتاپ ايتساق، بانگلادەش، سومالي، سۋدان، گوندۋراس، سۋرينام جانە نيكاراگۋا ەلدەرى قازاقستان ەكسپورتتايتىن تاۋارلارعا ءوز نارىعىن اشىپ وتىر.

قازاقستان ەۋرازيالىق ەكونوميكالىق وداقتان تىس ەلدەرگە ەكسپورتتاعان تاۋرالاردىڭ كوش باسىندا شيكى مۇناي تۇر - 3,2 ميلليارد دوللار نەمەسە بۇكىل ەكسپورتتىڭ % 61,9- ى. ودان كەيىن مىس جانە مىستان جاسالعان كاتودتار ($227 ميلليون)، بيداي ($187,1 ميلليون)، كەندەر مەن مىس كونسەنتراتتارى ($177,8 ميلليون)، فەرروقورىتپالار ($176,4 ميلليون)، تەمىرجول لوكوموتيۆتەرى ($133,8 ميلليون)، (%2,6)، مۇناي ونىمدەرى ($124,7 ميلليون)، كەندەر مەن تەمىر كونسەنتراتتارى ($62,3 ميلليون)، كۇمىس ($59,9 ميلليون)، تاس كومىر ($54,3 ميلليون) تۇر.

اۆتور

ەسىمجان ناقتىباي