بۇقتىرمادا نەگىزگى كوپىردى سالۋعا قاجەت ۋاقىتشا كوپىر تۇرعىزىلدى

وسكەمەن. قازاقپارات - شىعىس قازاقستان وبلىسىندا بۇقتىرما سۋ قويماسىندا نەگىزگى كوپىردى سالۋعا قاجەت ۋاقىتشا كوپىر تۇرعىزىلدى، دەپ حابارلايدى قازاقپارات ءتىلشىسى.

پرەزيدەنت قاسىم- جومارت توقايەۆتىڭ تاپسىرماسىمەن شىعىس قازاقستانداعى كۇرشىم مەن كوكپەكتى اۋداندارىن جالعايتىن «قىزىل تۋ» وتكەلىنە كوپىر سالىنىپ جاتقاندىعى بەلگىلى.

ەكى جولاقتى اۆتوكولىك كوپىرىنىڭ ۇزىندىعى 1,3 شاقىرىمنان اسادى دەپ جوسپارلانۋدا. بۇل قازاقستانداعى ەڭ ۇزىن كوپىر بولماق.

قازىر نەگىزگى كوپىردى سالۋعا قاجەتتى ۋاقىتشا كوپىر تۇرعىزىلعان. الەۋمەتتىك جەلىدە تاراعان ۆيدەو اۆتورىنىڭ ايتۋىنشا، قۇرىلىس جۇمىستارى قارقىندى ءجۇرىپ جاتىر.

ش ق و جولاۋشى كولىگى جانە اۆتوموبيل جولدارى باسقارماسىنىڭ مالىمەتىنە سۇيەنسەك، جوبا بويىنشا كوپىر قۇرىلىسىنىڭ ۇزاقتىعى – 39 اي.

قۇرىلىس جۇمىستارى 2024 -جىلى اياقتالادى دەپ كوزدەلگەن.

ەسكە سالساق، 2022 -جىلدىڭ سوڭىندا بۇقتىرما ارقىلى وتەتىن كوپىر قۇرىلىسىنا قوسىمشا 20 ميلليارد تەڭگە قارالاتىنى حابارلانعان.

اۆتور

تالعاتجان مۇحامەتبەك ۇلى