الماتىنىڭ مەدەۋ، بوستاندىق، ناۋرىزباي اۋداندارىندا ادامدى كەنە شاعۋ قاۋپى جوعارى
سپيكەردىڭ سوزىنشە، كەنە ەنسەفاليتىنە قارسى ەگۋ ادامعا 18 جاستان باستاپ جۇرگىزىلەدى. وعان كەنە ەنسەفاليتىنىڭ ەندەميالىق اۋماعىندا تۇراتىن ادامدار نەمەسە سول جەردە جۇرەتىن، كەنە ەنتسەفاليتى ۆيرۋسىمەن جۇمىس ىستەيتىن مەديتسينا قىزمەتكەرلەرى جاتادى.
«ۆاكسيناتسيا كەستەسى 1-دەن 7 ايعا دەيىنگى ارالىقتا ەكى ەگىلۋدەن جانە باستاپقى ۆاكسيناتسيا كۋرسى اياقتالعان سوڭ، 12 ايدان كەيىنگى ريەۆاكسيانتسيالاۋدان تۇرادى. ءبىرىنشى ينەكسيانى كۇزگى كەزەڭدە (قازان- قاراشا)، ەكىنشىسىن ءبىر، ەكى ايدان كەيىن جاساعان دۇرىس»، - دەدى ەلۆيرا يبراگيموۆا.
ەرەسەكتەر مەن بالالارعا كەنە ەنسەفاليتىنە قارسى ادام يممۋنوگلوبۋلينى قولدانىلادى. كەنە ەنسەفاليتىمەن اۋىرعاندار ەكى جىل نەمەسە ودان ۇزاق ۋاقىت بويى ديسپانسەرلىك باقىلاۋدان ءوتۋى ءتيىس.
«كەنەنىڭ شاعۋىنان زارداپ شەككەن ادامداردى ديسپانسەرلىك باقىلاۋ - تۇرعىلىقتى جەرى بويىنشا مەديتسينالىق ۇيىمدا 21 كۇن بويى تۇراقتى تەرمومەتريا ارقىلى جۇرگىزىلەدى»، - دەدى سپيكەر.
ونىڭ ايتۋىنشا، الماتى قالاسى - كەنە ەنسەفاليتىنىڭ ەندەميالىق ايماعى.
«تاجىريبەدە كەنەلەر كوبىنە ناۋرىزدان قىركۇيەككە دەيىن بەلسەندى بولاتىنىن، ياعني وسى ۋاقتتا ولاردىڭ ادامداردى كوپ شاعاتىنىن كورەمىز. كەنە ەنسەفاليتىنىڭ الدىن الۋ اسىرەسە تاۋلى ايماقتاردا نەمەسە ساياجايلار اۋماعىندا تۇراتىن تۇرعىندار ءۇشىن وزەكتى. قالادا وعان مەدەۋ، بوستاندىق، ناۋرىزباي اۋداندارى جاتادى»، - دەدى ەپيدەميولوگ.
ول سونداي- اق كەنە شاققان جاعدايدا ونىڭ انتيگەندىك قۇرامىن (ا گ قۇرامى) ۇلتتىق سانيتارلىق- ەپيدەميولوگيالىق قاداعالاۋ جانە ساراپتاما ورتالىعىندا تەكسەرۋ قاجەت ەكەنىن ايتتى. ساراپتاما اقىلى تۇردە جۇرگىزىلەدى.
ايتا كەتەيىك، كەنە شاققان كەزدە تومەندەگى ستاتسيونارلارعا مەديسينالىق كومەككە جۇگىنۋ بولادى:
- №4 قالالىق كلينيكالىق اۋرۋحانا (پاپانين كوشەسى، 220)؛
- №7 قالالىق كلينيكالىق اۋرۋحانا (قالقامان شاعىن اۋدانى، 20)؛
- ورتالىق قالالىق كلينيكالىق اۋرۋحانا ( جاندوسوۆ كوشەسى، 6)؛
- جەدەل مەديتسينالىق كومەك كورسەتۋ قالالىق اۋرۋحاناسى (قازىبەك بي كوشەسى، 96)؛
- بالالار جەدەل مەديتسينالىق كومەك كورسەتۋ اۋرۋحاناسى (ماناس كوشەسى، 40).
