07:55, 04 - ءساۋىر 2023 | GMT +5
مالايزيادا مىندەتتى ءولىم جازاسىن الىپ تاستاۋ تۋرالى زاڭ جوباسى ماقۇلداندى
كۋالا لۋمپۋر. قازاقپارات - مالايزيا پارلامەنتى مىندەتتى ءولىم جازاسىن الىپ تاستاۋ تۋرالى زاڭ جوباسىن قابىلدادى، دەپ حابارلايدى قازاقپارات جەرگىلىكتى TheStar اگەنتتىگىنە سىلتەمە جاساپ.
مىندەتتى ءولىم جازاسىن الىپ تاستاۋ تۋرالى زاڭ جوباسىنا تۇزەتۋلەردى مالايزيانىڭ زاڭ ىستەرى ءمينيسترىنىڭ ورىنباسارى رامكارپال سينگح ەنگىزدى. ول بۇل ءولىم جازاسى تولىعىمەن الىنىپ تاستالدى دەگەندى بىلدىرمەيتىنىن، كەيبىر جاعدايلاردا ول زاڭمەن قاراستىرىلاتىنىن ءتۇسىندىردى.
سونداي- اق زاڭ جوباسىندا سۋديالارعا ءولىم جازاسىنىڭ ورنىنا 40 جىلعا دەيىن باس بوستاندىعىنان ايىرۋ قۇقىعىن بەرۋ ۇسىنىلدى.
رامكارپال سينگح زاڭ جوباسىنا تۇزەتۋلەردى قابىلداۋ كەزىندە ءولىم جازاسىنا كەسىلگەندەردىڭ وتباسىلارىنىڭ وي- پىكىرلەرى، وسى جازا شاراسىنا سوتتالعان ادامنىڭ قىلمىسى، قۇقىقتارىن جانە ءولىم جازاسىنا سايكەستىك دارەجەسى ەسكەرىلگەنىن اتاپ ءوتتى.
اۆتور
اسحات رايقۇل
