بۇكىلالەمدىك بوكس قاۋىمداستىعى قارسىلاسىن نوكاۋتپەن جەڭگەن قازاق بوكسشىنى جازالادى

استانا. قازاقپارات – بۇكىلالەمدىك بوكس قاۋىمداستىعى (WBA) بارلىق سالماقتاعى وزەكتى رەيتينگتى جاريالادى، دەپ حابارلايدى Vesti.kz.

وسىلايشا، ەكىنشى جارتىلاي ورتا سالماقتا ونەر كورسەتەتىن بەكمان سويلىبايەۆ (16-1، 7 ك و) توپ-15 تىزىمنەن شىعىپ قالدى، بۇعان دەيىن ول 13-ورىندا بولعان ەدى.

بەكمان كەيىنگى رەت 21- ناۋرىز الماتىدا جۇدىرىقتاسىپ، فيليپپيندىك دجەنەلا لاۋسانى (11-1-1، 7 ك و) ءۇشىنشى راۋندتا نوكاۋتقا ءتۇسىرىپ، WBA Inter- Continental تيتۋلىن قورعاپ قالعان بولاتىن.

WBA نەگە مۇنداي شەشىمگە كەلگەنى بەلگىسىز، بالكىم ۇيىم سويلىبايەۆتىڭ قارسىلاسى ءالسىز بولدى دەپ ەسەپتەگەن بولسا كەرەك.