عالىمجان قويشىبايەۆ ۆيتسە-پرەمەر - ۇكىمەت اپپاراتىنىڭ باسشىسى بولدى

استانا. قازاقپارات - مەملەكەت باسشىسىنىڭ جارلىعىمەن عالىمجان تەلمان ۇلى قويشىبايەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى - ۇكىمەت اپپاراتىنىڭ باسشىسى لاۋازىمىنا تاعايىندالدى.

قازاقپارات بۇل تۋرالى اقورداعا سىلتەمە جاساپ حابارلايدى.

ءوزىنىڭ لاۋازىمدىق مىندەتتەرى اياسىندا كەلەسى ماسەلەلەرگە جاۋاپتى:

- قازاقستان رەسپۋبليكاسىنىڭ پرەمەر-ءمينيسترى مەن ۇكىمەتىنىڭ قىزمەتىن ۇيىمداستىرۋشىلىق-قۇقىقتىق، ساراپتامالىق-تالدامالىق، كادرلىق، اقپاراتتىق جانە ماتەريالدىق-تەحنيكالىق قامتاماسىز ەتۋ؛

- مەملەكەتتىك اپپارات قىزمەتىن بيۋروكراتيادان ارىلتۋ؛

- مەملەكەتتىك ورگانداردىڭ اكىمشىلىك رەفورماسىن ىسكە اسىرۋ؛

- ورتالىق جانە جەرگىلىكتى اتقارۋشى ورگانداردى سيفرلاندىرۋ؛

- مەملەكەتتىك ورگانداردى اقپاراتتىق- تەلەكوممۋنيكاتسيالىق تۇرعىدان قامتاماسىز ەتۋدىڭ ءبىرىڭعاي جۇيەسىن، ونىڭ ىشىندە اقپاراتتىق دەرەكتەر بازاسىن قۇرۋ؛

- ورتالىق جانە جەرگىلىكتى اتقارۋشى ورگانداردىڭ ءوزارا ءىس-قيمىلى؛

- زاڭ جوبالاۋ جۇمىسىن جۇرگىزۋ، نورما بەلگىلەۋدى جەتىلدىرۋ جانە نورماتيۆتىك قۇقىقتىق اكتىلەردى مەملەكەتتىك تىركەۋ، زياتكەرلىك مەنشىك قۇقىقتارىن ساقتاۋ جانە قورعاۋ سالاسىنداعى مەملەكەتتىك ساياساتتى ىسكە اسىرۋ.

عالىمجان تەلمان ۇلى قويشىبايەۆ 1968-جىلى قىزىلوردا قالاسىندا دۇنيەگە كەلگەن.

م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتەتىن ءتامامداعان.

1995-2004-جىلدارى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ اتتاشەسى، ءۇشىنشى حاتشىسى، ءبىرىنشى حاتشىسى، كەڭەسشىسى، كەڭەسشى-ۋاكىلى بولىپ قىزمەت ەتكەن.

2004-جىلى قازاقستان رەسپۋبليكاسىنىڭ ۇجىمدىق قاۋىپسىزدىك تۋرالى شارت ۇيىمىنىڭ جانىنداعى وكىلەتتى وكىلى بولعان.

2004-2006-جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ باس ينسپەكتورى.

2006-2008-جىلدارى - قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى.

2008-2012-جىلدارى - قازاقستان رەسپۋبليكاسىنىڭ ليتۆا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ لاتۆيا رەسپۋبليكاسىنداعى، ەستونيا رەسپۋبليكاسىنداعى جانە فينليانديا رەسپۋبليكاسىنداعى توتەنشە جانە وكىلەتتى ەلشىسى (قوسا اتقارۋشى).

2012-2016-جىلدارى - قازاقستان رەسپۋبليكاسىنىڭ فينليانديا رەسپۋبليكاسى مەن ەستونيا رەسپۋبليكاسىنداعى توتەنشە جانە وكىلەتتى ەلشىسى (قوسا اتقارۋشى).

2016-2019-جىلدارى - قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى.

2019-جىلعى 26- ناۋرىزدا ۇكىمەت قاۋلىسىمەن ق ر پرەمەر-ءمينيسترى كەڭسەسىنىڭ باسشىسى بولىپ تاعايىندالدى.

2019-جىلعى 18- قىركۇيەكتە ق ر پرەزيدەنتى ق. توقايەۆتىڭ جارلىعىمەن ق ر پرەمەر-ءمينيسترى كەڭسەسىنىڭ باسشىسى بولىپ تاعايىندالدى.

2021-جىلعى 18- قاڭتاردا ق ر پرەزيدەنتى ق. توقايەۆتىڭ جارلىعىمەن ق ر پرەمەر-ءمينيسترى كەڭسەسىنىڭ باسشىسى بولىپ قايتا تاعايىندالدى.

2022-جىلعى 11- قاڭتاردا ق ر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى بولىپ قايتا تاعايىندالدى.

2023-جىلعى 4- قاڭتاردا مەملەكەت باسشىسىنىڭ جارلىعىمەن ق ر پرەمەر-ءمينيسترىنىڭ ورىنباسارى - ۇكىمەت اپپاراتىنىڭ باسشىسى بولىپ تاعايىندالدى.