ءاليحان سمايىلوۆ سىرتقى ىستەر مينيسترلىگىنىڭ ۇجىمىنا جاڭا باسشىنى تانىستىردى

استانا. قازاقپارات - مينيسترلەر كابينەتىنىڭ باسشىسى ءاليحان سمايىلوۆ سىرتقى ىستەر مينيسترلىگىنىڭ ۇجىمىنا جاڭا باسشى - پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋدى تانىستىردى.

قازاقپارات بۇل تۋرالى ۇكىمەت باسشىسىنىڭ باسپا ءسوز قىزمەتىنە سىلتەمە جاساپ حابارلايدى.

ءاليحان سمايىلوۆ قازىرگى گەوساياسي احۋال كەزىندە سىرتقى ساياسي ۆەدومستۆو جۇمىسىنىڭ ماڭىزى ارتقانىن اتاپ ءوتتى. ديپلوماتيالىق شەشىمدەر ارقىلى ق ر س ءى م جاقىن جانە الىس شەت ەلدەرمەن ءوزارا ءتيىمدى قارىم-قاتىناستاردى نىعايتۋعا جانە ۇلتتىق ەكونوميكانى دامىتۋعا ەلەۋلى ۇلەس قوسىپ وتىر.

«ءسىم جۇمىسىنىڭ ناتيجەسى بارىمىزگە تىكەلەي اسەر ەتەدى. پرەزيدەنت ۆەدومستۆو الدىنا ماڭىزدى ماقساتتار قويدى، ۇجىمعا ولارعا قول جەتكىزۋدە تابىس تىلەيمىن»، — دەدى ۇكىمەت باسشىسى.

پرەمەر-مينيستر جاۋاپتى باسشىلىق لاۋازىمداردا مول تاجىريبەسى بار مۇرات نۇرتىلەۋ مەملەكەت باسشىسى قويعان مىندەتتەردىڭ ورىندالۋىن قامتاماسىز ەتەتىنىنە سەنىم ءبىلدىردى.