ەلىمىزدە ءۇش اپتادان بەرى الەۋمەتتىك ماڭىزى بار ازىق- تۇلىك باعاسى تومەندەپ جاتىر
سايدا جانە ينتەگراتسيا مينيسترلىگىنىڭ مالىمەتىنشە، مەملەكەتتىڭ تۇراقتاندىرۋ قورلارى مەن وڭىرلەر جاساقتاعان قورلاردان كوكونىستەردى برونداۋدان شىعارۋ جونىندەگى شارالار ۇستىمىزدەگى ماۋسىمارالىق كەزەڭدە وڭ ناتيجەسىن بەرۋدە.
بۇگىن پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترىنىڭ مىندەتىن اتقارۋشى سەرىك جۇمانعاريننىڭ توراعالىعىمەن وتكەن كەڭەستە الەۋمەتتىك ماڭىزى بار ازىق- تۇلىككە ارنالعان اپتالىق باعا جاعدايىنىڭ قورىتىندىلارى مەن باعانى تۇراقتاندىرۋ شارالارى تالقىلاندى.
«وسى اپتادا قاراقۇمىق جارماسىنىڭ باعاسى - % 1,3- عا، قانت - % 0,8- عا، پياز - % 0,3- عا جانە كارتوپ % 0,7- عا تومەندەدى. سونداي- اق جالپى ءۇش وڭىردە، ياعني الماتى قالاسى، شىعىس قازاقستان، الماتى وبلىستارىندا كۇنباعىس مايىنىڭ باعاسى 1,1%- عا تومەندەدى»، - دەپ اتاپ ءوتتى ساۋدا كوميتەتى ءتوراعاسىنىڭ مىندەتىن اتقارۋشى ايدار ابىلدابەكوۆ.
سونىمەن قاتار مايلى داقىلداردى قايتا وڭدەۋشىلەر قاۋىمداستىعىنىڭ مالىمەتتەرى بويىنشا 2022 -جىلدىڭ قازان- قاراشا ايلارىمەن سالىستىرعاندا كۇنباعىس كۇنجاراسىنىڭ باعاسى % 30- عا، ال كۇنباعىس مايىنىڭ باعاسى وتكەن جىلدىڭ قاراشاسىمەن سالىستىرعاندا % 19- عا دەيىن تومەندەگەن. قازىر وتاندىق ماي زاۋىتتارىندا وندىرىلەتىن تازارتىلعان كۇنباعىس مايىنىڭ ساتۋ باعاسى ليترىنە 630-680 تەڭگە ارالىعىندا.
ماڭعىستاۋ وبلىسىندا باعانىڭ تومەندەۋ ءۇردىسى جالعاسۋدا. سونداي- اق وسى اپتادا باتىس قازاقستان وبلىسىندا وڭ باعا ترەندى تىركەلدى: -%0,1. مۇندا پيازدىڭ (-% 2,9) جانە قانتتىڭ (-%3,8) باعاسى ايتارلىقتاي تومەندەدى. س ق و- دا باعا تۇراقتاندى.
دەلدالدىق سحەمالاردى انىقتاۋ جونىندەگى وڭىرلىك كوميسسيالاردىڭ جۇمىسى ءوز ناتيجەسىن كورسەتۋدە.
«ساۋدا كوميتەتى ەلەكتروندى شوت- فاكتۋرالاردى تالداۋ ناتيجەسىندە «شىمكەنت» ا ك ك- نەن جەڭىلدىكپەن زايم العان ەكى جەكە كاسىپكەردىڭ دەلدالدىق سحەماسىن انىقتادى. قوسىمشا دەلدالدىق جاساۋ ارقىلى ولار ءبىر- بىرىنە جوعارى باعامەن ءونىم ساتقان. ناتيجەسىندە، ءونىم تۇتىنۋشىعا ايتارلىقتاي قىمبات باعامەن جەتكىزىلگەن. پىسىقتاۋ ءۇشىن بارلىق ماتەريالدار اۋماقتىق دەپارتامەنتتەرگە بەرىلدى»، -دەپ اتاپ ءوتتى ايدار ابىلدابەكوۆ.
اۋىل شارۋاشىلىعى ۆيتسە- ءمينيسترى ءابىلقايىر تامابەك وڭىرلەردەگى قالىپتاسقان قورلاردان كوكونىستەردى برونداۋدان شىعارۋ ناتيجەلەرى مەن قورلاردىڭ كولەمى جايلى مالىمدەدى. ءساۋىر ايىنىڭ سوڭىنا دەيىن 29,9 مىڭ توننا كارتوپقا قاجەتتىلىك تۋسا، 18 وڭىردە بۇل كوكونىس تۇرىمەن قامتاماسىز ەتۋ كولەمى % 90- دان جوعارى، قالعان ەكى وڭىردە -% 69- دى قۇرادى. سابىزگە سۇرانىس بيىلعى ءساۋىر ايىنىڭ سوڭىنا دەيىن - 6,8 مىڭ توننا بولسا، قاراعاندى وبلىسىن (%69) قوسپاعاندا، قورمەن قامتاماسىز ەتۋ % 100- دان جوعارى. ەكى وبلىس (جامبىل جانە قىزىلوردا) قىرىققاباتپەن % 50- دان تومەن، ال قالعان بارلىق ءوڭىر ودان جوعارى دەڭگەيدە قامتاماسىز ەتىلدى. بارلىق وبلىستارداعى پياز قورى % 50- دان اسادى.
«ءبىز تاۋارلىق ينتەرۆەنتسيالار جۇمىسىنىڭ ناتيجەسىن كورىپ وتىرمىز جانە بۇل جۇمىستى ەرتە شىعاتىن كوكونىس تۇرلەرى كەلىپ تۇسكەنشە جالعاستىرۋىمىز كەرەك. سونىمەن قاتار ازىق- تۇلىك تاۋارلارىن فورۆاردتىق ساتىپ الۋدى قارجىلاندىرۋدى % 70- عا دەيىن ۇلعايتا وتىرىپ، الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتاندىرۋ تەتىكتەرىن ىسكە اسىرۋدىڭ ۇلگىلىك قاعيدالارىن قايتا قاراپ، اينالىم سحەمالارى بويىنشا % 30- عا دەيىن تومەندەتۋ قاجەت. وسىلايشا، فورۆاردتىق ساتىپ الۋلاردىڭ ارقاسىندا بىزدە نارىقتاعى باعانىڭ تۇراقتانۋىنا اسەر ەتۋگە مۇمكىندىك بەرەتىن ءونىم قورىنىڭ كەپىلدەندىرىلگەن كولەمى بولادى»، - دەدى سەرىك جۇمانعارين.
رەداكتور
اسحات رايقۇل
