تاڭعاجايىپ جاعدايدا اۋەاپاتىنان امان قالعان جىگىت ۆيدەو جاريالادى

استانا. قازاقپارات - اۋستراليادا جەڭىل موتورلى ۇشاق اپاتىنان امان قالعان ۇشقىش-كۋرسانت اۋەاپاتىنىڭ سالدارىن ۆيدەودا كورسەتتى.

وقيعانىڭ ءمان-جايىن Daily Mail باسىلىمى جازدى، - دەپ حابارلايدى Tengritravel.kz ءتىلشىسى.

27 جاستاعى دجەيك ەلۆەن ينسترۋكتورمەن بىرگە سيدنەيدىڭ وڭتۇستىك-باتىسىندا جاتتىعۋ اياسىندا ەكىنشى مارتە ۇشقان. ۇشۋ كەزىندە لاينەردىڭ قوزعالتقىشى ىستەن شىققان - اۋە كەمەسى بيىكتىك جوعالتىپ، اعاشقا سوقتىعىسقان. سوقتىعىسۋ سالدارىنان ەر ادام ءبىرشاما ۋاقىتقا ەستەن تانىپ قالعان، الايدا ءوز كۇشىمەن ۇشاقتان شىعىپ، ۆيدەو تۇسىرگەن.

«مەنىڭ امان قالۋىم تاڭعاجايىپ جاعداي. مەن ومىرىمدە ەكىنشى رەت ۇشتىم، ەش زارداپ شەككەن جوقپىن دەسەم دە بولادى»، - دەپ ازىلدەيدى ەلۆەن.

ۆيدەودا ەر ادام ۇشاقتىڭ شاشىلعان بولشەكتەرىن جانە دەنەسىندەگى جاراقاتتارىن كورسەتەدى. ينسترۋكتوردى وقيعا ورنىنان ايەلى الىپ كەتكەن، ال دجەيك اۋرۋحاناعا جالعىز ءوزى ءبىر جارىم ساعاتتا جەتكەن. ەر ادامنىڭ ايتۋىنشا، اۋرۋحاناداعىلار ونىڭ اۋە اپاتىنان ءتىرى قالعانىنا سەنە قويماعان. ونى ءتىپتى پسيحياترعا جىبەرمەك بولعان.

سوعان قاراماستان جىگىت مەديتسينالىق كومەك العان، ونىڭ اياعى سىنعان ەكەن. ەلۆەن دەنساۋلىعى جاقسارعاننان كەيىن، ۇشۋ- جاتتىعۋلارىن قايتا جالعاستىراتىنىن ايتادى. سونداي-اق ول جەكە ۇشاق ساتىپ الۋدى كوزدەيدى.