مۇناي باعاسى قايتادان كوتەرىلىپ جاتىر

استانا. قازاقپارات - استانا ۋاقىتىمەن ساعات 04:09 شاماسىندا Brent مۇنايىنىڭ ءبىر باررەلىنىڭ قۇنى % 6,43، ياعني 85,03 دوللارعا دەيىن ءوستى، دەپ حابارلايدى قازاقپارات تاسس اگەنتتىگىنە سىلتەمە جاساپ.

لوندوننىڭ ICE بيرجاسىندا 2023 -جىلدىڭ ماۋسىمىندا جەتكىزىلەتىن Brent ماركالى مۇناي فيۋچەرستەرىنىڭ قۇنى 7- ناۋرىزدان بەرى العاش رەت 85 دوللاردان استى.

ونى دۇيسەنبىدەگى ساۋدا- ساتتىق دەرەكتەرىنەن كورۋگە بولادى.

ساعات 04:23-كە قاراي Brent باررەلى 85,45 (ءوسىم - % 6,96) دوللارعا جەتتى.

سونىمەن قاتار 2023 -جىلدىڭ مامىرىندا جەتكىزىلەتىن WTI ماركالى مۇناي فيۋچەرستەرى % 7,15 قىمباتتاپ، باررەلى 81,08 دوللارعا جەتتى.

2-ساۋىردە ءبىرقاتار وپەك+ ەلدەرى، ونىڭ ىشىندە قازاقستان كۇتپەگەن جەردەن مامىر ايىنان باستاپ جىلدىڭ سوڭىنا دەيىن مۇناي ءوندىرۋدى قىسقارتاتىنىن جاريالادى.

قىسقارتۋدىڭ جالپى كولەمى - تاۋلىگىنە شامامەن 1,65 ميلليون باررەل بولۋى مۇمكىن.

اۆتور

جانات قاپالبايەۆا