الماتىدا كەشەگى جەر سىلكىنىسىنەن عيماراتتار بۇلىنگەن جوق – ت ج د

الماتى. قازاقپارات - الماتىدا 2 بالدىق جەر سىلكىنىسىنەن قيراعان نەمەسە بۇلىنگەن عيماراتتار بولعان جوق.

بۇل تۋرالى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆونىڭ مالىمەتىنشە، ءتيىستى مەملەكەتتىك مەكەمەلەرگە حابارلامالار جىبەرىلگەن سوڭ، بۇلىنگەن نەمەسە قيراعان عيماراتتاردىڭ بايقالماعانى بەلگىلى بولدى. قازىرگى ۋاقىتتا جاعداي تۇراقتى.

سونداي-اق، سەيسمولوگيا ينستيتۋتىنىڭ مالىمەتىنشە، بۇگىنگى جەر سىلكىنىسى فوندىق ساناتقا جاتادى، مۇنداي ءالسىز سىلكىنىستەن سوڭ افتەرشوك بولمايدى.

ەسكە سالايىق، كەشە الماتىدا جەرگىلىكتى ۋاقىتپەن ساعات 16:56-دا 2 بالدىق جەر سىلكىنىسى سەزىلدى.