الماتىدا قار كوشكىنى بولعان كەزدە تاۋدا قالىپ قويعان تۋريستەر قۇتقارىلدى
باسپا ءسوز قىزمەتىنىڭ مالىمەتتەرىنە قاراعاندا، 2023-جىلعى 1- ساۋىردە ساعات 16:35 تە ت ج م رەسپۋبليكالىق جەدەل-قۇتقارۋ جاساعىنىڭ كەزەكشى-ديسپەتچەرلىك بولىمشەسىنە الماتى قالاسى ت ج د جەدەل كەزەكشىسىنەن شاقىرۋ كەلىپ تۇسكەن.
ءۇش ادام بۋتاكوۆ اسۋىنان بۋكرەيەۆ شىڭىنا كوتەرىلىپ بارا جاتقان ۋاقىتتا قار كوشكىنى ءتۇسىپ، ءبىر تۋريست تومەنگە قاراي سىرعىپ تۇسكەن. وسىعان بايلانىستى بەس ادامنان تۇراتىن رەسپۋبليكالىق جەدەل-قۇتقارۋ جاساعىنىڭ قۇتقارۋ توبى كومەككە اتتاندى. سونىمەن قاتار، ادامداردى ىزدەۋگە الماتى قالاسىنىڭ قۇتقارۋ قىزمەتىنىڭ قۇتقارۋشىلارى قوسىمشا جىبەرىلدى.
رەسپۋبليكالىق جەدەل-قۇتقارۋ جاساعىنىڭ كەزەكشىسى وقيعا ورنىنىڭ لوكاتسياسىن جىبەرگەن ءوتىنىش بەرۋشىمەن بايلانىسقا شىقتى. ول تۋريستىك مارشرۋت بويىنشا تاۋعا كوتەرىلۋ كەزىندە قار كوشكىنى سالدارىنان ول جولداستارىنان قالىپ قويعان.
ول ەشقايدا جۇرمەي قۇتقارۋشىلاردىڭ كومەگىن كۇتكەن. تۋريستەرمەن ۇيالى بايلانىس ارقىلى بايلانىسقا شىققان رەسپۋبليكالىق جەدەل- قۇتقارۋ جاساعىنىڭ قۇتقارۋشىلارى ساعات 18.43 تە زارداپ شەككەندەرمەن ۆيزۋالدى بايلانىس ورناتقان.
20 مينۋتتان كەيىن ر ج ق ج قۇتقارۋ توبى تۋريستەرگە جەتىپ، زارداپ شەككەندەردى تومەنگە ءتۇسىرۋ جۇمىستارىن باستادى. ساعات 19:55 تە تۋريستەردى تومەن ءتۇسىرۋ جۇمىستارى اياقتالدى، قۇتقارۋشىلار ولاردى بۋتاكوۆ شاتقالىنداعى اۆتوتۇراققا دەيىن جەتكىزدى. ادامدارعا مەديتسينالىق كومەك قاجەت بولمادى.
ت ج م قۇتقارۋشىلارى تاۋدا قالعان تۋريستەرگە بارلىق قاۋىپسىزدىك شارالارىن ساقتاۋعا كەڭەس بەرەدى. تاۋعا شىققان كەزدە سىزگە قاجەت: دەنە دايارلىعىن ەسەپتەڭىز، قۇتقارۋ قىزمەتتەرىنىڭ ۇسىنىستارىن ەسكەرىڭىز: اۋا- رايى جاعدايلارى، كوشكىن قاۋپى دەڭگەيى، تاۋداعى سەرۋەنگە وزىڭىزگە قاجەتتى زاتتارمەن قامتاماسىز ەتىڭىز: پاۋەربانك، سۋ وتكىزبەيتىن پاكەتتەگى سىرىڭكە، سۋ، قوسىمشا جىلى كيىم-كەشەك، GPS ناۆيگاتورى.
«ەگەر سىزگە كومەك قاجەت بولسا، 112 نەمەسە 87273721560 (ت ج م رەسپۋبليكالىق جەدەل-قۇتقارۋ جاساعىنىڭ كەزەكشى-ديسپەتچەرلىك بولىمشەسى) قوڭىراۋ شالىڭىز»، - دەلىنگەن حابارلامادا.