ورالدا كاماز جۇك كولىگى اۆتوبۋسپەن سوقتىعىستى

ورال. قازاقپارات - ورال قالاسىندا «كاماز» جۇك كولىگى اۆتوبۋسپەن سوقتىعىستى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا كەشە شامامەن ساعات 15.00-دە سىرىم دات ۇلى كوشەسىندە بولعان.

«كاماز» جۇك كولىگىنىڭ 1987 -جىلعى جۇرگىزۋشىسى «دينا» گيپەرماركەتى ماڭىندا جول قوزعالىسى قاۋىپسىزدىگىن قامتاماسىز ەتپەي، №39-باعىتتا جۇرەتىن اۆتوبۋسپەن تۇيىسكەن.

اۆتوبۋستا جۇرگىزۋشىگە قوسا 8 ادام بولعان.

ەكى جۇرگىزۋشى دە مەديتسينالىق كۋالاندىرۋدان ءوتتى، قورىتىندىسى كەيىن انىقتالادى.

«زارداپ شەككەندەر مەديتسينالىق كومەك كورسەتىلگەننەن كەيىن ۇيلەرىنە جىبەرىلدى. جول- كولىك وقيعاسىن جاساعان «كاماز» جۇك كولىگىنىڭ جۇرگىزۋشىسىنە قاتىستى ق ر اكىمشىلىك قۇقىقبۇزۋشىلىق كودەكسى 610-بابىنا سايكەس اكىمشىلىك حاتتاما تولتىرىلدى»، - دەپ حابارلادى ۆەدومستۆودان.

قازىرگى كەزدە وقيعانىڭ جاي-جاپسارى انىقتالىپ جاتىر.