الماتىدا ءماسليحات پەن تۇراقتى كوميسسيالاردىڭ ءتوراعالارى سايلاندى

الماتى. قازاقپارات - الماتى قالاسى ءماسليحاتىنىڭ جاڭا دەپۋتاتتىق كورپۋسى جۇمىسقا كىرىستى، دەپ حابارلايدى قازاقپارات ءتىلشىسى.

ءماسليحاتتىڭ باسپا ءسوز قىزمەتى ءمالىم ەتكەندەي، ارالاس سايلاۋ جۇيەسى بويىنشا سايلانعان 42 دەپۋتات VIII شاقىرىلىمداعى قالالىق ءماسليحاتتىڭ ءبىرىنشى سەسسياسى بارىسىندا تۇراقتى كوميسسيالار بويىنشا ءبولىندى. ايتۋ كەرەك، 2004-جىلدان بەرى العاش رەت دەپۋتاتتاردىڭ 50 پايىزى پارتيالىق تىزىمدەر بويىنشا، قالعان 50 پايىزى ماجوريتارلىق جۇيە بويىنشا سايلاندى.

سەسسيا جۇمىسىن اشا وتىرىپ، الماتى قالاسى بويىنشا اۋماقتىق سايلاۋ كوميسسياسىنىڭ ءتوراعاسى ايگۇل قالىقوۆا VIII شاقىرىلىمداعى الماتى قالاسى ءماسليحاتى دەپۋتاتتارىنىڭ كۋالىكتەرى مەن توسبەلگىلەرىن تاپسىرۋ ءراسىمىن وتكىزدى.

ءبىرىنشى سەسسيا بارىسىندا ءماسليحات ءتوراعاسى جانە جاڭادان قۇرىلعان تۇراقتى كوميسسيالاردىڭ ءتوراعالارى سايلاندى. وسىلايشا، «AMANAT» پارتياسى فراكسياسىنىڭ ۇسىنىسى نەگىزىندە VIII شاقىرىلىمداعى الماتى ءماسليحاتىنىڭ ءتوراعاسى بولىپ مەيىرجان وتىنشيەۆ سايلاندى. سونىمەن قاتار، سايلاۋ كوميسسياسى «ق ر- داعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭىنا سايكەس «AMANAT» پارتياسىنىڭ فراكسياسى تىركەلىپ، ونىڭ باسشىسى بولىپ ستانيسلاۆ كانكۋروۆ سايلانعانى تۋرالى حابارلاما جاسادى.

سونداي-اق، داۋىس بەرۋ ناتيجەسىندە تۇراقتى كوميسسيالاردىڭ باسشىلارى انىقتالدى. ولار:

1. ەكونوميكا، قارجى، اكتيۆتەر، مەملەكەتتىك باسقارۋدى دامىتۋ جانە قوعامدىق قاۋىپسىزدىك جونىندەگى كوميسسيا، ءتوراعاسى - نابيەۆ ءامىرجان ءامىرجان ۇلى.

2. قۇرىلىس، ساۋلەت، ۋربانيستيكا جانە جەر قاتىناستارى جونىندەگى كوميسسيا، ءتوراعاسى - شوقانوۆ نۇرسۇلتان نۇرلان ۇلى.

3. كوممۋنالدىق ينفراقۇرىلىم، ەنەرگەتيكا، سۋمەن جابدىقتاۋ جانە قالالىق موبيلدىلىك جونىندەگى كوميسسيا، ءتورايىمى - ومىربايەۆا زاۋرەش ءابىلعوجا قىزى.

4. كاسىپكەرلىك، ينۆەستيتسيالار، تۋريزم جانە ەكولوگيا جونىندەگى كوميسسيا، ءتوراعاسى - يدريسوۆ رۋسلان راشيتوۆيچ.

5. قوعامدىق دامۋ، مادەنيەت، سپورت، ءدىن جانە جاستار جونىندەگى كوميسسيا، ءتورايىمى - اقانوۆا ءاسيا ايقان قىزى.

6. دەنساۋلىق ساقتاۋ، ءبىلىم جانە جۇمىسپەن قامتۋ جونىندەگى كوميسسيا، ءتوراعاسى - قوداسبايەۆ المات تۇرىسبەك ۇلى.

ءبىر مانداتتى وكرۋگتەردى ەسكەرە وتىرىپ، دەپۋتاتتىق مانداتتاردىڭ سانى مىناداي ساندا ءبولىندى: 24 مانداتپەن «AMANAT» پارتياسى باسىمدىققا يە بولدى. «Respublica» پارتياسىندا 5 ماندات، «قازاقستان حالىق پارتياسى» مەن «BAYTAQ» پارتيالارىندا ءۇش مانداتتان بار. «اق جول» پارتياسى 2 مانداتتى السا، پارتيالىق ەمەس دەپۋتاتتار 5 مانداتقا يە بولدى.

ءماسليحات دەپۋتاتتارىنىڭ قۇرامىن جاڭارتۋ 66,7 پايىزدى قۇرادى. ايەلدەر، جاستار جانە مۇمكىندىگى شەكتەۋلى جاندار سانى 38,1 پايىزدى قۇرادى. ۇلتتىق قۇرامى بويىنشا: قازاقتار - 78,6 پايىز، ورىستار - 7,1 پايىز، كارىستەر - 4,8 پايىز، ۇيعىرلار - 4,8 پايىز، تاتارلار - 2,4 پايىز، ۋكرايندار - 2,4 پايىز.