الماتىدا ءدامحانا ورتەنىپ جاتىر
الماتى قالالىق توتەنشە جاعدايلار دەپارتامەنتىنىڭ «101» پۋلتىنە ساعات بۇگىن ساعات 8:00 دە بوستاندىق اۋدانى، روزىباكيەۆ كوشەسى، 274-مەكەنجايى بويىنشا ءورت شىققان تۋرالى حابارلاما ءتۇستى.
«ءورت ءسوندىرۋ بريگاداسى جوعارى رانگ بويىنشا جۇمىلدىرىلدى. ءورت سوندىرۋشىلەر وقيعا ورنىنا 5 مينۋتتا جەتتى. بەلگىلى بولعانىنداي 3 قاباتتى ءدامحانانىڭ شاتىرى وتقا ورانعان. جاقىن ماڭداعى عيماراتتاردى قىزىل جالىنان قورعاۋ ءۇشىن ءورت وقپاندارى ەنگىزىلدى. دەرەۋ اۆتوتسيستەرنالار گيدرانتتارعا ورناتىلدى، ماگيسترالدىق جەلىلەر تارتىلىپ، ۇزدىكسىز سۋمەن قامتاماسىز ەتىلدى. ءورت ءسوندىرۋ ساتىسى دا قولدانىلدى»، - دەپ حابارلادى ۆەدومستۆودان. ءورت 30 شارشى مەتردى شارپىعان. ءورتتى سوندىرۋگە 15 تەحنيكا مەن 41 ءورت ءسوندىرۋشى جۇمىلدىرىلدى. توتەنشە وقيعادان زارداپ شەككەندەر مەن قازا تاپقاندار جوق.
اۆتور
الما مۇقانوۆا
