ءاليحان سمايىلوۆ پرەمەر-مينيستر قىزمەتىندە قالا ما؟
ساياسات تانۋشىنىڭ سوزىنشە، سمايىلوۆ قىزمەتتە قالادى نە قالمايدى دەپ ناقتى كەسىپ ايتۋعا بولمايدى.
«ءبىر شەتىنەن ءاليحان سمايىلوۆ بىردەن قاڭتار وقيعاسىنان كەيىن قىزمەتكە كەلگەن ادام. سوندىقتان ول باسقارعان ۇكىمەت نەگىزىنەن ەلدەگى جاعدايدى تۇراقتاندىرۋ ماسەلەلەرىمەن اينالىسۋعا ءماجبۇر بولدى جانە ولاردىڭ كوپشىلىگىمەن ول ازدى- كوپتى جۇمىس ىستەي ءبىلدى. ودان بولەك، ونىڭ الدىنداعى پرەمەر- مينيسترلەرگە قاراعاندا سمايىلوۆتىڭ بۇل قىزمەتتە وتىرعانىنا 1,5 -جىلداي عانا بولدى. سوندىقتان وتستاۆكاعا كەتۋى مۇمكىن دەپ ويلامايمىن. ياعني قىزمەتىنە قاتىستى ءالى ىستەۋى قاجەت دۇنيەلەردى ىستەپ ۇلگەرمەدى. ونىڭ ورنىنا كەلەتىن ادام ءتىزىمى دە از دەپ ويلايمىن.
ەكىنشى جاعىنان، مەملەكەت باسشىسى قاسىم-جومارت توقايەۆتىڭ بىلتىرعى حالىققا جولداۋلارىندا جانە سايلاۋ الدىنداعى باعدارلاماسىندا بەلگىلەنگەن قازاقستاننىڭ ودان ءارى دامۋى تۋرالى پايىمى، سونداي-اق ەل ەكونوميكاسى ءۇشىن سىرتقى سىن-قاتەرلەر ونىڭ قىزمەتىندەگى ساپالى جاڭا كۇن ءتارتىبىن بەلگىلەيدى. دەمەك، وسى كۇن ءتارتىبىن جۇزەگە اسىرا الاتىن ادامداردى تارتا وتىرىپ، كادرلاردى جاڭارتۋ قاجەت. سونىمەن قاتار، پرەزيدەنت بىلتىر دا، كەشە دە ۇكىمەتتى سىنعا الدى»، - دەيدى چەبوتاريەۆ.
