قازاقستاندىق اۋىر اتلەتيكادان الەم چەمپيوناتىنىڭ كۇمىس جۇلدەگەرى اتاندى - فوتو

استانا. قازاقپارات - قازاقستاندىق نۇردوس سابىر جاسوسپىرىمدەر اراسىندا اۋىر اتلەتيكادان البانيانىڭ دۋررەس قالاسىندا ءوتىپ جاتقان الەم چەمپيوناتىندا كۇمىس جۇلدەگەر اتاندى، دەپ حابارلايدى قازاقپارات ءتىلشىسى.

«سپورتتى دامىتۋ ديرەكتسياسى» ر م ق ك- نىڭ باسپا ءسوز قىزمەتىنەن ءمالىم ەتكەنىندەي، قازاقستاندىق اۋىر اتلەت 89 كەلىگە دەيىنگى سالماقتا باق سىنادى.

قوسسايىس قورىتىندىسىندا نۇردوس 321 كەلىنى (145+176) باعىندىرىپ، كۇمىسكە يە بولدى. ول جۇلقا كوتەرۋدە جەڭىمپاز اتانسا، سەرپە كوتەرۋدە 2-ورىننان كورىندى.

بارلىعى 57 ەلدەن 268 اۋىر اتلەت قاتىسىپ جاتقان الەم بىرىنشىلىگىندە بۇعان دەيىن ەراسىل ساۋلەبەكوۆ 73 كەلىگە دەيىنگى سالماقتا (137+168) 305 ك گ ناتيجەمەن چەمپيون اتانعان ەدى.

ەسكە سالا كەتەيىك، بۇدان بۇرىن اۋىر اتلەتيكادان الەم چەمپيوناتىندا تايسيا الەكسەيەۆانىڭ كۇمىس العانىن جازعان بولاتىنبىز.