جاڭا الەۋمەتتىك كودەكس شەڭبەرىندە زەينەتاقى مولشەرىن ۇلعايتۋ قاراستىرىلادى
بۇل تۋرالى وڭىرلىك كوممۋنيكاتسيالار قىزمەتىندە ەڭبەك جانە الەۋمەتتىك قورعاۋ كوميتەتىنىڭ استانا قالاسى بويىنشا دەپارتامەنتى باسشىسىنىڭ الەۋمەتتىك سۇراقتار بويىنشا ورىنباسارى دامەجان سادۋاقاسوۆا ايتتى، دەپ حابارلايدى قازاقپارات ءتىلشىسى.
«قازىرگى جۇيە زەينەتكەرلەردىڭ 3 بۋىنىن قامتيدى. اتاپ ايتقاندا، 1998-جىلعا دەيىن جانە 1998-جىلدان كەيىن زەينەتكە شىققان زەينەتكەرلەر نەگىزگى تولەمدى مەملەكەتتەن، ال بولاشاق زەينەتكەرلەر جيناقتاۋشى زەينەتاقى جۇيەسىنەن الادى. ەندى زەينەتكەرلەر ءۇشىن بازالىق زەينەتاقى تولەمىن تاعايىنداۋ جانە ورتاق زەينەتاقىنى ەسەپتەۋ پارامەترلەرى وزگەرەتىن بولادى. بۇل زەينەتاقى مولشەرىن ۇلعايتۋ ءۇشىن جاسالادى. ال بولاشاق زەينەتكەرلەر ءۇشىن 2024-جىلدىڭ 1- قاڭتارىنان باستاپ جۇمىس بەرۋشىلەر قوسىمشا زەينەتاقى تولەمدەرى مەن جارنالاردى ەنگىزۋدى جوسپارلاپ وتىر»، - دەدى دامەجان ءسادۋاقاسوۆا.
ونىڭ ايتۋىنشا، كودەكسكە ەنگىزىلەتىن وزگەرىستەر نەگىزىندە سالىمشىلاردىڭ زەينەتاقى اكتيۆتەرىن باسقارۋ قۇقىعىن كەڭەيتۋ قاراستىرىلعان. ەندى ازاماتتار وزدەرىنىڭ زەينەتاقى جيناقتارىنىڭ جەتكىلىكتىلىك شەگىنەن اسقان بولىگىن تەك ەم الۋعا جانە ءۇي ساتىپ الۋعا جۇمسايدى.
