پرەمەر-مينيستر كانديداتۋراسىن تاياۋ كۇنى پرەزيدەنتكە ۇسىنامىز - ەرلان قوشانوۆ
«تاياۋ كۇندەرى ۇسىنىلادى. ۋاقىتى كەلگەندە بىلەسىزدەر. قازىر مەن ونى اشىپ ايتا المايمىن. مەملەكەت باسشىسىنا كانديداتۋرانى (پرەمەر-مينيستر كانديداتۋراسى) تاياۋ كۇندەرى ۇسىناتىن بولامىز. مۇمكىن ەرتەڭ نە ارعى كۇنى. قازىر پروتسەدۋراسىن پىسىقتاپ جاتىرمىز. پرەزيدەنتپەن كەزدەسۋدە ۇسىناتىن شىعارمىز جانە جالپى وتىرىستا كەلىسىمىمىزدى بەرەمىز»، - دەدى ءماجىلىس ءتوراعاسى ب ا ق وكىلدەرىنىڭ ساۋالىنا وراي.
ەرلان قوشانوۆ ءدال قازىر ۇكىمەت باسشىسىنا مىنا كانديداتتى ۇسىنامىن دەپ ايتۋ ورىنسىز بولاتىندىعىن باسا اتاپ ءوتتى.
«پارتيا ءتوراعاسى رەتىندە ول - ۇلكەن جاۋاپكەرشىلىك. پارتيا فراكسياسىندا اقىلداسۋىمىز كەرەك. سودان كەيىن مەن سىزدەردىڭ الدىلارىڭىزعا شىعىپ نە بولماسا ءتيىستى پروتسەدۋرالار ارقىلى ساۋالدارىڭىزعا جاۋاپ بەرەمىن»، - دەدى ءماجىلىس ءتوراعاسى.
