ۇكىمەتكە شەكارالاس اۋدانداردا قونىستانعىسى كەلەتىن ازاماتتارعا تۇرعىن ءۇيدى ارزانداتۋ تاپسىرىلدى
«سالاداعى ساياساتتى جۇيەلەيتىن جانە تۇبەگەيلى جاقسارتاتىن قالا قۇرىلىسى كودەكسىنىڭ ماڭىزى زور. ۇكىمەت شەكارالاس اۋدانداردا قونىستانعىسى كەلەتىن ازاماتتارىمىز ءۇشىن تۇرعىن ءۇيدى ارزانداتۋ ماسەلەسىن شەشۋدىڭ جاڭا تاسىلدەرىن ازىرلەۋگە ءتيىس.
سونداي- اق، ينجەنەرلىك، الەۋمەتتىك ينفراقۇرىلىمدى جاڭعىرتۋعا جانە قۇرۋعا نازار اۋدارۋ قاجەت. مەنىڭ ويىمشا، بۇل ماڭىزدى ستراتەگيالىق مىندەت. بىزدە 65 شەكارا ماڭى بار، وكىنىشكە وراي، ولاردىڭ كوپشىلىگىنىڭ الەۋمەتتىك- ەكونوميكالىق جاعدايى تومەن دەڭگەيدە»، - دەدى قاسىم- جومارت توقايەۆ.
پرەزيدەنتتىڭ ايتۋىنشا، كەيدە بۇل جايت ەكونوميكالىق فاكتورلارعا ءتيىمسىز اكىمشىلىك- اۋماقتىق بولىنىستەردەن تۋىنداپ جاتىر.
«بۇل اۋدانداردىڭ ستراتەگيالىق ماڭىزدىلىعىن ەسكەرە وتىرىپ، مەنىڭ تاپسىرمام بويىنشا ازىرلەنىپ جاتقان اۋىلدىق اۋماقتاردى دامىتۋ تۇجىرىمداماسى شەڭبەرىندە شەكارا ماڭىنداعى اۋماقتاردى دامىتۋ جونىندەگى ناقتى شارالاردى كوزدەۋ قاجەت.
باستى ماقسات- حالىقتىڭ كەتۋىن ازايتۋ، ادامداردىڭ ءومىر سۇرۋىنە قولايلى جاعداي جاساۋ، شەكارا ماڭىنداعى اۋدانداردىڭ ەكونوميكالىق دامۋىنا جاڭا سەرپىن بەرۋ»، - دەدى پرەزيدەنت.
اۋىل شارۋاشىلىعى كووپەراتيۆتەرىنە 1 تريلليون تەڭگەگە جۋىق قارجى بولىنەدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
سونىمەن قاتار، اۋىل- ايماقتاردى كەشەندى تۇردە وركەندەتۋ اسا ماڭىزدى. ەلىمىزدە بىرنەشە جىلدان بەرى «اۋىل - ەل بەسىگى» جوباسى جۇزەگە اسىرىلىپ جاتىر. سونىڭ اياسىندا 1 مىڭنان استام اۋىلداعى 3700 نىسان جاڭعىرتىلدى. ونىڭ ءبارى - الەۋمەتتىك جانە ينجەنەرلىك ينفراقۇرىلىم نىساندارى. بۇل جۇمىس بولاشاقتا دا جالعاسادى»، - دەدى پرەزيدەنت.
مەملەكەت باسشىسىنىڭ اتاپ وتۋىنشپە، بيىل تاعى 1,5 مىڭنان استام جوباعا بيۋدجەتتەن 143 ميلليارد تەڭگە بولىنەدى.
«مەن سايلاۋ الدىندا اۋىلداعى كاسىپكەرلىكتى دامىتۋ قاجەتتىگى تۋرالى انىق ايتتىم. بۇل - ماڭىزدى مىندەتتىڭ ءبىرى. ونى اۋىل شارۋاشىلىعى كووپەراتسياسى ارقىلى جۇزەگە اسىرۋ كەرەك. سول ءۇشىن «اۋىل اماناتى» جوباسى قولعا الىنادى. اۋىل تۇرعىندارىنا 5-7 جىلعا جىلدىق ءوسىمى 2,5 پايىز بولاتىن شاعىن نەسيە بەرىلەدى. اۋىل شارۋاشىلىعى كووپەراتيۆتەرى حالىققا قىزمەت كورسەتۋ جانە ءونىم وتكىزۋ ءۇشىن قۇرىلادى. ولارعا قۇرال- جابدىق جانە تەحنيكا ساتىپ الۋ ءۇشىن سۋبسيديا بەرىلەدى. وسى ماقساتقا 1 تريلليونعا جۋىق تەڭگە بولىنەدى»، - دەدى قاسىم- جومارت توقايەۆ.
