بۇگىن ايگىلى قازىبەك ءبيدىڭ ۇرپاعى ءمادي ءباپي ۇلى دۇنيەگە كەلگەن كۇن

استانا. قازاقپارات - بۇگىن 143 جىل بۇرىن (1880-1924) حالىق اقىنى، ءانشى-كومپوزيتور، قاز داۋىستى قازىبەك ءبيدىڭ ۇرپاعى ءمادي ءباپي ۇلى دۇنيەگە كەلگەن.

قاراعاندى وبلىسىندا تۋعان. اقان سەرى، ءبىرجان سال، بالۋان شولاق، ۇكىلى ىبىراي سياقتى ساڭلاقتارمەن كەزدەسىپ، ونەگە العان. جالا جابىلىپ، اباقتىعا تۇسكەن. تۇرمەدە ەلىن، جەرىن ساعىنىپ، ادىلەتسىز زامانعا نالىعان ءمادي «قاراكەسەك» ءانىن شىعاردى. بۇدان باسقا ونىڭ «ءۇشقارا»، «شىركىن-اي»، «ءمادي» اتتى اندەرى بار. ولاردىڭ دەنى كەيىن «قاراكەسەك»، «ەر تارعىن»، «قىز جىبەك» قازاق وپەرالارىندا پايدالانىلدى. ءمادي 1916 -جىلى ازاتتىق جولىنداعى حالىق كوتەرىلىسىنە ءۇن قوستى. پاتشانىڭ جەرگىلىكتى اكىمدەرىنىڭ وزبىرلىعىن اشكەرەلەيتىن جىرلار تولعادى. ءماديدىڭ ءان ماتىندەرىنەن باسقا ولەڭدەرى ءالى دە جيناقتالماعان. ونىڭ شىعارمالارى تۋرالى احمەت جۇبانوۆ زەرتتەۋ ەڭبەكتەرىندە، ءالجاپپار ابىشەۆ «نايزاعاي»، ءايىپ بەكتاسوۆ «ءمادي» اتتى كىتاپتارىندا جازدى.