قاراعاندىلىق وقۋشىلار جۇرەك اۋرۋىن ەمدەۋگە ارنالعان قۇرىلعى ويلاپ تاپتى
«يمپلانتتالاتىن كارديوستيمۋلياتسيا جانە دەفيبريللياتسيا جۇيەسى» جوباسى استانادا وتكەن بايقاۋدا I- ورىن الدى. جۇمىستى ءساتتى قورعاعانى ءۇشىن الديار ناقىپقا قازاقستان- بريتان تەحنيكالىق ۋنيۆەرسيتەتىنىڭ گرانتى بەرىلدى.
«ءبىزدىڭ قۇرىلعى تەرى استىنا يمپلانتاتسيالانادى، ال ەلەكترودتار قان تامىرلارى ارقىلى جۇرەككە ورناتىلادى. قۇرىلعى اۋرۋدىڭ ءتۇرىن بىردەن انىقتايدى جانە ارنايى ەلەكترلىك يمپۋلستاردى جىبەرەدى. بۇل يمپۋلستار جۇرەك بۇلشىق ەتتەرىنە اسەر ەتەدى، ولاردىڭ جۇمىسىن تەجەيدى نەمەسە تەزدەتەدى»، - دەدى ول.
كارديوستيمۋلياتسيا جانە دەفيبريللياتسيا جۇيەسى تاحيكارديانى، براديكارديانى جانە قارىنشالار فيبريللياتسياسىن ەمدەۋگە كومەكتەسەدى.
وقۋشى اتالعان جوبانى نازاربايەۆ زياتكەرلىك مەكتەپتەرىنىڭ ناۋرىز كەزدەسۋلەرىندە تانىستىردى. بيىلعى جىلى بيومەديتسينا، ينجەنەريا جانە تەحنولوگيالار بايقاۋىنا 6 سەكسيادا 100-گە جۋىق جوبا قاتىسقان. قاراعاندىلىق وقۋشىلاردىڭ جۇمىسى «اقىلدى» پروتەزدەر مەن ولاردىڭ ەلەمەنتتەرىن جاساۋ» ساناتىندا ۇزدىك دەپ تانىلدى.
ال، قاراعاندى NIS- ءتىڭ تاعى ءبىر وقۋشىسى ۇلان مۇستافين «ادام اعزاسىنىڭ فۋنكتسيونالدىق جاي- كۇيىن مونيتورينگىلەۋگە ارنالعان اپپاراتتىق- باعدارلامالىق قۇرالدار» سەكسياسىندا 3-ورىندى يەلەندى.
ناۋرىز كەزدەسۋلەرىندە قاراعاندىلىق وقۋشىلار بەس جوبانى ۇسىندى. ولاردىڭ اراسىندا «اياق- قولدارى ءارتۇرلى ادامدارعا ارنالعان روبوتتالعان تابان»، «ءسىڭدىرۋ ادىسىمەن بىرىكتىرىلگەن دارىلىك گيدروگەل»، «بۇكىرلىكپەن كۇرەسۋگە ارنالعان Postrue قۇرىلعىسى جانە موبيلدى قوسىمشاسى» بار.
اۆتور
اگاتا مۋحامەدجانوۆا
