شىمكەنتتە العاش رەت جامبى اتۋدان ازيا كۋبوگى ءوتىپ جاتىر

شىمكەنت. قازاقپارات - ناۋرىز مەيرامىن مەرەكەلەۋ اياسىندا جانە ۇلتتىق سپورت تۇرلەرىن دارىپتەۋ ماقساتىندا شىمكەنت قالاسىندا العاش رەت جامبى اتۋدان ازيا كۋبوگى ءوتىپ جاتىر. بۇل تۋرالى قازاقپارات «جامبى اتۋدان» ۇلتتىق فەدەراتسياعا سىلتەمە جاساپ حابارلايدى.

جارىسقا يوردانيا، قىتاي، قىرعىزستان، موڭعوليا، پولشا، رەسەي، تۇركيا، وزبەكستان، ساۋد ارابياسى جانە قازاقستاننان ۇزدىك ات ساداقشىلارى كەلدى.

ازيا كۋبوگىن جامبى اتۋ رەسپۋبليكالىق فەدەراتسياسى، شىمكەنت قالاسىنىڭ اكىمدىگى مەن سپورت باسقارماسى، ۇلتتىق سپورت تۇرلەرى قاۋىمداستىعى، سونداي-اق ۇلتتىق جانە ات سپورتى تۇرلەرى ورتالىعى ۇيىمداستىرادى.

ازيا كۋبوگىنىڭ باس دەمەۋشىلەرى - «Alageum Electric» قازاقستاندىق ەلەكتروتەحنيكالىق حولدينگى جانە «ەلەكترومونتاج» ا ق («ەلمو»).

جامبى اتۋدان ازيا كۋبوگىنىڭ سالتاناتتى اشىلۋى 20- ناۋرىزدا شىمكەنت قالاسىنىڭ يپپودرومىندا ءوتتى. جارىس 3 كەزەڭنەن تۇرادى. ازيا كۋبوگىنا ات ۇستىندە ساداق اتۋدان اتاقتى سپورتشىلار - مۋستافا ەنيز يۋرداكوك (تۇركيا)، دجانگ لي (قىتاي)، قازاقستاندىق سپورتشىلار سارىباي ايتبەك، ايكوز ەرالحان، باباجان باقداۋلەت، ابزال تولىبەكوۆ، جانە بەلگىلى ساداقشى - قىزدار - اننا ساكولسكا (پولشا)، ليۋبوۆ موروكا (يران) بەلسەنە قاتىسىپ ءجۇر.

ايتا كەتەيىك، «جامبى اتۋ» ۇلتتىق سپورت ءتۇرىنىڭ فەدەراتسياسى 2004-جىلى قازاقستاندا قۇرىلعان ق ر ۇلتتىق سپورت تۇرلەرى قاۋىمداستىعىنىڭ قۇرامىنا كىرەدى.