08:20, 21 - ناۋرىز 2023 | GMT +5
الەم چەمپيونى «كانەلو» قازاقستاندىقتاردى ناۋرىز مەيرامىمەن قازاق تىلىندە قۇتتىقتادى - ۆيدەو
استانا. قازاقپارات - ەكىنشى ورتا سالماقتاعى ابسوليۋتتى الەم چەمپيونى ساۋل «كانەلو» الۆارەس قازاقستان حالقىن ءتول مەرەكەسىمەن قازاق تىلىندە قۇتتىقتادى، دەپ حابارلايدى قازاقپارات Suleimen Promotions كومانداسىنىڭ باسپا ءسوز قىزمەتىنە سىلتەمە جاساپ.
«الەمگە ايگىلى بوكسشى، ابسوليۋتتى چەمپيون، دوسىمىز ساۋل (كانەلو) الۆارەس قازاقستان حالقىن كوكتەممەن بىرگە كەلگەن ۇلىستىڭ ۇلى كۇنى - ناۋرىز مەيرامىمەن قۇتتىقتادى.
ال Suleimen Promotions كومانداسى ءوز كەزەگىندە قازاقى ءداستۇر بويىنشا بوكسشىعا قۇرمەت كورسەتىپ، شاپان جاپتى، سىي-سياپات كورسەتتى»، - دەپ جازدى Suleimen Promotions جەلىدەگى پاراقشاسىنا.
كانەلو دا قازاقستان حالقىن قازاق تىلىندە قۇتتىقتاپ: «ناۋرىز مەيرامى قۇتتى بولسىن، قازاقستان! سىزدەردى كورگەنىمە وتە قۋانىشتىمىن! مەن بارلىعىڭىزدى قۇشاقتايمىن!» - دەگەن «كانەلو».
Посмотреть эту публикацию в Instagram
اۆتور
اسحات رايقۇل
