12:56, 20 - ناۋرىز 2023 | GMT +5
الماتى- وسكەمەن تراسساسىندا جولاۋشىلار اۆتوبۋسى جۇك كولىگىمەن سوقتىعىستى
سەمەي. قازاقپارات - «الماتى- وسكەمەن» تراسساسىندا جولاۋشىلار اۆتوبۋسى جۇك كولىگىمەن سوقتىعىستى، ەكى ادام زارداپ شەكتى، دەپ حابارلايدى قازاقپارات.
اباي وبلىسى پوليتسيا دەپارتامەنتىنىڭ مالىمەتىنە سايكەس، وقيعا 18-ناۋرىز كۇنى ساعات 23:30 شاماسىندا «الماتى- وسكەمەن» اۆتوجولىنىڭ 735-شاقىرىمىندا بولعان. SETRA جولاۋشىلار اۆتوبۋسىنىڭ رۋلىندە بولعان 60 جاستاعى جۇرگىزۋشى قاۋىپسىز قاشىقتىقتى ساقتاماي RENAULT جۇك كولىگىمەن جاناما سوقتىعىسۋعا جول بەرگەن. سالدارىنان ەكى ادام زارداپ شەككەن. ولار اۋرۋحاناعا جاتۋدان باس تارتقان.
«قازىرگى ۋاقىتتا ءبىرقاتار سوت ساراپتاماسى تاعايىندالدى. ولاردىڭ ناتيجەلەرى بويىنشا پروتسەسۋالدى شەشىم قابىلدانادى»، - دەلىنگەن پوليتسيا حابارلاماسىندا.
