استانادا «ناۋرىز بازارى» ەتنوۇلگىدەگى تاۋارلار جارمەڭكەسى وتەدى - فوتو

استانا. قازاقپارات - ەلوردادا 21-23-ناۋرىز ارالىعىندا «ناۋرىز بازارى» شىعىس جارمەڭكەسى وتەدى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.

ەكسپو حالىقارالىق كورمە ورتالىعىنىڭ اۋماعىندا وتەتىن جارمەڭكەدە ەتنوستيلدەگى كيىمدەردىڭ، زەرگەرلىك بۇيىمداردىڭ، كەراميكا، مەتال، كيىز جانە جىبەكتەن جاسالعان زاتتاردىڭ، كادەسىيلاردىڭ جاڭا توپتامالارىنىڭ مول تاڭداۋى ۇسىنىلادى.

قالا تۇرعىندارى ءۇشىن ەلىمىزدىڭ ەڭ جاقسى شارۋا قوجالىقتارى مەن تاۋار وندىرۋشىلەرىنىڭ جاڭا ونىمدەرى ەڭ ءتيىمدى باعامەن ساتىلادى. مەرەكە قۇرمەتىنە بارلىق تاۋارعا ۇلكەن جەڭىلدىكتەر جوسپارلانىپ وتىر.

ال شىعىس تاعامدارىن ۇناتاتىن جۇرتشىلىق فەستيۆالگە قاتىسا الادى.

جارمەڭكە 21-ناۋرىز كۇنى ساعات 13:00-18:00 ارالىعىندا، ال 22 جانە 23-ناۋرىز كۇندەرى ساعات 09:00 دەن 18:00 گە دەيىن جۇمىس ىستەيدى.