حالىقارالىق بايقاۋشى ۇيدە داۋىس بەرىپ جاتقاندار قاتارىنىڭ از ەكەنىن ايتتى
استانا. قازاقپارات - سايلاۋدىڭ ۇيىمداستىرىلۋ دەڭگەيى جوعارى بولعانىمەن، ۇيدە داۋىس بەرىپ جاتقان ازاماتتار قاتارى از.
بۇل تۋرالى ەلورداداعى حالىقارالىق بايقاۋشىلارعا قولعابىس كورسەتۋ ورتالىعىندا وتكەن بريفينگىدە شانحاي ىنتىماقتاستىق ۇيىمى ميسسياسىنىڭ بايقاۋشىسى گەنناديي سەميگين ايتتى، دەپ حابارلايدى قازاقپارات ءتىلشىسى.
«سايلاۋدىڭ ۇيىمداستىرىلۋ دەڭگەيى وتە جوعارى. ارينە، قازىر ساياسي جۇيە جاڭعىرىپ جاتىر. اسىرەسە، ءبىر مانداتتى وكرۋگتەر بويىنشا سايلاۋعا ءتۇسىپ جاتقاندارعا توقتالايىن. سايلاۋشىلار قانداي ءبىر كانديداتتى ءوز اۋماعىندا تاڭدايتىنىن ءتۇسىنۋى وتە ماڭىزدى. بۇل ساياسي ماقساتتارعا قول جەتكىزۋگە باعىتتالعان ۇلكەن قادام. بۇگىن ءبىرشاما سايلاۋ ۋچاسكەسىندە بولدىق. قايدا بارساق تا، بارلىق جەردەگى ۇيىمداستىرىلۋ دەڭگەيىنىڭ وتە جوعارى ەكەنىن بايقاپ جاتىرمىز. دەگەنمەن مۇمكىندىگىنىڭ بولماۋىنا بايلانىستى ۇيدە داۋىس بەرەتىن ازاماتتاردىڭ سانى از بولىپ وتىر. بۇدان سايلاۋعا جاۋاپتى ادامداردىڭ جاشىكتەرىمەن ۇيلەرگە بارۋ جۇمىسىن تومەن قارقىندا جۇرگىزىپ جاتقانىن بايقاۋعا بولادى»، - دەپ ءمالىم ەتتى گريگوريي سەميگين.
ەسكە سالايىق، بۇگىن قازاقستاندا ءماجىلىس پەن ءماسليحات دەپۋتاتتارىن سايلاۋ ءوتىپ جاتىر.
16:00 دەگى جاعداي بويىنشا 6 ميلليون 250 مىڭنان استام ازامات داۋىس بەردى.