سايلاۋ كۇنى شاڭىراق كوتەرگەن سەمەيلىك ەكى جاس داۋىس بەردى

سەمەي. قازاقپارات - اباي وبلىسىندا سايلاۋ كۇنى شاڭىراق كوتەرگەن جاستار ءوز تاڭداۋىن جاسادى، دەپ حابارلايدى قازاقپارات ءتىلشىسى.

سايلاۋ كۇنى سەمەيدەگى نەكە سارايىندا ەكى جاس ۇلكەن ومىرگە قادام باستى. ولار ءدال وسى كۇنى ۇيلەنۋدى 3 اي بۇرىن جوسپارلاعان.

«ءبىزدىڭ شاڭىراق كوتەرۋىمىز وسىنداي ايتۋلى داتامەن تۇسپا-تۇس كەلىپ وتىرعانىنا وتە قۋانىشتىمىز. وسى كۇندى ناۋرىز مەيرامىنا ورايلاستىرىپ تاڭداعان ەدىك. ءدال سايلاۋ كۇنىنە دە ءتۇسىپتى. كەلەشەكتە ەلىمىزدە سايلاۋ بولىپ جاتقاندا شاڭىراق كوتەرگەن ەدىك دەپ ەسكە الىپ وتىرامىز. ءوز تاڭداۋىمىزدى جاساپ، داۋىس بەردىك»، - دەيدى ەرلى-زايىپتى.

بۇگىن قالا بويىنشا 149 سايلاۋ ۋچاسكەسى جۇمىس ىستەيدى. ونىڭ ىشىندە 19 ى - جابىق سايلاۋ ۋچاسكەسى. سەمەيدەگى مۇمكىندىگى شەكتەۋلى جاندار دا وزدەرىنىڭ كونستيتۋتسيالىق قۇقىعىن پايدالانىپ، ۇيدە داۋىس بەرە الادى.

ايتا كەتەيىك، سەمەي قالاسىنداعى سايلاۋشىلار تىزىمىنە 232 مىڭنان استام ادام ەنگىزىلگەن.