الماتى وبلىسىندا ەكى مىڭ قوي باتپاققا باتىپ قالدى - فوتو

قونايەۆ. قازاقپارات - الماتى وبلىسىندا باتپاققا باتىپ قالعان ەكى مىڭ قويدىڭ 19 ى ءولدى، دەپ حابارلايدى قازاقپارات ءتىلشىسى.

الماتى وبلىسى ت ج د مالىمەتىنشە، جامبىل اۋدانى اقتەرەك اۋىلدىق وكرۋگىندە 17-ناۋرىز، ساعات 23:00 شاماسىندا قوي ايداۋ كەزىندە شىلباستاۋ ستانتسياسىنىڭ ماڭىندا ەكى مىڭعا جۋىق قوي باتپاققا باتىپ قالعان. بۇل تۋرالى ت ج د-عا 18-ناۋرىز، ساعات 8:20 دا حابارلاما تۇسەدى.

تۇنگى ۋاقىتتا شارۋا قوجالىعىنىڭ قىزمەتكەرلەرى قويلاردى بالشىقتان شىعارا الماي، تاڭەرتەڭ قۇتقارۋشىلاردان كومەك سۇرادى. الماتى وبلىسى ت ج د مەن جەرگىلىكتى اتقارۋشى ورگاندار، «ازيا گاز قۇبىرى» ج ش س، «نۇربول» ش ق ستاتسيونارلىق كومپرەسسورلىق ستانسياسىنىڭ قىزمەتكەرلەرى مەن باقتەرەك، بەكتاس جانە شىلباستاۋ اۋىلدارىنىڭ تۇرعىندارى بالشىقتا قالعان ۇساق مالدى (قويلاردى) قۇتقارۋ جۇمىستارىن ۇيىمداستىردى. ناتيجەسىندە 1981 قوي قۇتقارىلىپ، 19 ى امان قالعان جوق»، - دەپ حابارلادى ت ج د-دان.

اۆتور دۋمان ارعىنگەلدى